விசாரணைக்கைதி கொலைவழக்கில் தேடப்பட்டவர் நெல்லையில் இன்று சரண்!

Published on 10/10/2017 | Edited on 10/10/2017

விசாரணைக்கைதி கொலைவழக்கில் தேடப்பட்டவர் நெல்லையில் இன்று சரண்!

திருநெல்வேலி மாவட்டத்தில் விசாரணைக்கைதியை வெட்டிக்கொன்ற வழக்கில், தேடப்பட்ட முக்கிய குற்றவாளி இன்று சரணடைந்ததாக தகவல்கள் வெளியாகியுள்ளன.

திருநெல்வேலி மாவட்டம், பாளையங்கோட்டை மத்திய சிறையிலிருந்து நீதிமன்றத்திற்கு அழைத்துச் செல்லப்பட்ட விசாரணைக்கைதி சிங்காரம் என்பவரை மர்ம நபர்கள், காவல்துறை வாகனத்தை மறைத்து வெட்டிக் கொன்றனர். தடுக்க முயன்ற காவல்துறையினரின் மீது மிளகாய்ப் பொடியைத் தூவிவிட்டு கொலைச் சம்பவத்தில் ஈடுபட்டவர்கள் தப்பியோடினர். இதில் தொடர்புடைய 10க்கும் மேற்பட்டவர்களை காவல்துறையினர் தேடி வந்தனர்.

இந்நிலையில், தேடப்பட்டு வந்த முக்கிய குற்றவாளியாக அறிவிக்கப்பட்டிருந்த தூத்துக்குடி மாவட்டத்தைச் சேர்ந்த தொழிலதிபரான சுபாஷ் பண்ணையார் என்ற சிவசுப்பிரமணியன், நெல்லை இரண்டாவது கூடுதல் நீதிமன்றத்தில் இன்று காலை சரணடைந்ததாக தகவல்கள் கிடைத்துள்ளன.

செய்தி, படம் : ராம்குமார்