பேட்மிண்டன் உலக சாம்பியன்ஷிப்: சிந்து காலிறுதிக்கு முன்னேற்றம்

Published on 25/08/2017 | Edited on 25/08/2017

பேட்மிண்டன் உலக சாம்பியன்ஷிப்: சிந்து காலிறுதிக்கு முன்னேற்றம்

ஸ்காட்லாந்தில் உள்ள கிளாஸ்கோவில் பேட்மிண்டன் உலக சாம்பியன்ஷிப் தொடர் நடைபெற்று வருகிறது. நேற்று நடைபெற்ற பெண்களுக்கான காலிறுதிக்கு முந்தைய சுற்றில் இந்தியாவின் முன்னணி வீராங்கனை பி.வி. சிந்து ஹாங்காங்கை சேர்ந்த செயுங் நிகன் யி-ஐ எதிர்கொண்டார்.

பி.வி. சிந்துவிற்கு ஹாங்காங் வீராங்கனை கடும் சவாலாக விளங்கினார். முதல் செட்டை 19-21 என பி.வி. சிந்து இழந்தார். ஆனால், 2-வது செட்டில் ஆக்ரோஷமான ஆட்டத்தை வெளிப்படுத்தினார். இருந்தாலும் ஹாங்காங் வீராங்கனை சிந்துவிற்கு எல்லா வகையிலும் ஈடுகொடுத்து விளையாடினார். இறுதியில் பி.வி. சிந்து 23-21 என கடும்போராட்டத்திற்குப் பின் அந்த செட்டைக் கைப்பற்றினார். அதே வேகத்தில் 3-வது செட்டை 21-17 எனக் கைப்பற்றி ஹாங்காங் வீராங்கனையை வீழ்த்தினார். 83 நிமிடங்கள் நீடித்த இந்த போட்டியில் பி.வி. சிந்து வெற்றி பெற்று காலிறுதிக்கு முன்னேறியுள்ளார்.