டெக்ஸா பல்கலைக்கழக ஆராய்ச்சி மாணவர் 'சௌடிக் பெடல்' (Soutik Betal) உலகத்திலே மிக நுண்ணிய அளவிலான மருத்துவ நானோ ரோபோட் ஒன்றை கண்டுபிடித்துள்ளார். இந்த ரோபோ, அதன் அளவின் அடிப்படையில் மிக சிறிய ரோபோ என கின்னஸ் புத்தகத்தில் இடம் பிடித்துள்ளது. இவர் கண்டுபிடித்துள்ள அந்த ரோபோவின் அளவு 120 நானோமீட்டர் மட்டுமே. மேலும் இது மிக நுண்ணிய மின்காந்த அலைகளால் கட்டுப்படுத்தக்கூடிய பொருள்களால் உருவாக்கப்பட்டு இருக்கிறது. இந்த ரோபோ உயிர் செல்களுடனும் செயல்படக்கூடியதால் வரும் காலங்களில் இது உலகின் பயங்கரமான நோய்களான 'கேன்சர் மற்றும் அல்சைமர்' போன்ற நோய்களுக்கு மருத்துவம் பார்க்கவும் உபயோகப்படுத்தலாம் என கூறப்படுகிறது.