Skip to main content

மனைவி கழுத்தில் பாய்ந்த குண்டு! கள்ளத்துப்பாக்கியால் நேர்ந்த விபரீதம்! 

Published on 21/05/2022 | Edited on 21/05/2022

 

Illegal arm found in kallakurichi

 

கள்ளக்குறிச்சி மாவட்டம், ரிஷிவந்தியம் அருகில் உள்ள பகண்டை கூட்டுசாலை காவல் நிலைய எல்லைக்குட்பட்டது தொண்டநந்தல் கிராமம். இந்த கிராமத்தைச் சேர்ந்தவர் ஆரோக்கியராஜ். இவர், சட்டவிரோதமான முறையில் நாட்டுத்துப்பாக்கி ஒன்றை வைத்துள்ளார். இந்தத் துப்பாக்கி மூலம் அப்பகுதியில் இரவு நேரங்களில் வனவிலங்குகளை வேட்டையாடியுள்ளார். 


இந்த நிலையில், கடந்த 18ஆம் தேதி மாலை வீட்டில் தான் மறைத்து வைத்திருந்த நாட்டு துப்பாக்கியை எடுத்து அதை சுத்தம் செய்து கொண்டு இருந்துள்ளார். அப்போது எதிர்பாராதவிதமாக அவர் வைத்திருந்த நாட்டு துப்பாக்கி வெடித்தது. அதில் இருந்து புறப்பட்ட குண்டு அருகில் வீட்டு வேலை செய்து கொண்டிருந்த அவரது மனைவி டெய்சி மேரி கழுத்தின் வலதுபகுதியில் துளைத்துக் கொண்டு உள்ளே சென்றுள்ளது. இதை கண்டு அதிர்ச்சி அடைந்த ஆரோக்கியராஜ், டெய்சி மேரியை கள்ளக்குறிச்சி அரசு மருத்துவமனைக்கு கொண்டு சென்று சிகிச்சைக்கு சேர்த்துள்ளார். 

 

அங்கு முதலுதவி சிகிச்சை அளிக்கப்பட்டு பின்னர் மேல் சிகிச்சைக்காக சேலம் அரசு மருத்துவமனைக்கு கொண்டு செல்லப்பட்டுள்ளார். இந்த தகவல் அந்த கிராமத்தில்  பரவியது. இதையடுத்து அப்பகுதியைச் சேர்ந்த கிராம நிர்வாக அலுவலர் பாக்கியராஜ் பகண்டை கூட்ரோடு காவல் நிலையத்தில் கள்ளத்தனமாக ஆரோக்கியராஜ் நாட்டுத்துப்பாக்கி வைத்திருந்தது சம்பந்தமாக புகார் அளித்துள்ளார். அவரது புகாரின் பேரில், போலீசார் வழக்குப்பதிவு செய்து அனுமதியின்றி நாட்டு துப்பாக்கி வைத்திருந்த ஆரோக்கியராஜ் குறித்து விசாரணை நடத்தி வருகின்றனர். முதற்கட்டமாக அந்தத் துப்பாக்கியை பறிமுதல் செய்துள்ளனர். இது குறித்து வழக்கு பதிவு செய்து அந்த துப்பாக்கி எப்படி வந்தது, இதேபோல் இன்னும் இப்பகுதியில் ஆரோக்கியராஜ் போன்று வேறு யாரேனும் அனுமதி இன்றி நாட்டுத்துப்பாக்கி வைத்துள்ளார்களா என்று போலீசார் தீவிர விசாரணை நடத்தி வருகின்றனர். 

 

 

சார்ந்த செய்திகள்

Next Story

உறவினர் வீட்டு விஷேஷத்திற்குச் சென்ற மகன்; தாய்க்குக் காத்திருந்த அதிர்ச்சி!

Published on 26/04/2024 | Edited on 26/04/2024
 young man who went to visit a relative's house passed away

ஈரோடு, சூரம்பட்டி, நேரு வீதியைச் சேர்ந்தவர் சுலோச்சனா (73). இவரது கணவர் மருதாசலம் (75). இவர்களுக்கு மூன்று மகன்கள் உள்ளனர். கடைசி மகன் மட்டும் திருமணம் ஆகி தனியாக வசித்து வருகிறார். மற்ற இரண்டு மகன்களும் பெற்றோர்களுடன் வசித்து வந்தனர். 2-வது மகன் மோகனுக்கு மது குடிக்கும் பழக்கம் உள்ளது. இந்த நிலையில், கடந்த 21ஆம் தேதி சித்தோடு, சாணார்பாளையத்தில் உள்ள தங்களது உறவினர் வீட்டு விசேஷத்துக்குச் சென்று வருவதாக கூறிச் சென்ற மோகன் அதன்பின் வீடு திரும்பவில்லை.

இதையடுத்து, பல்வேறு இடங்களில் மகனைத் தேடி வந்த தாய் சுலோச்சனா, நேற்று சித்தோடு பகுதியில் சென்று தன் மகன் குறித்து விசாரித்துள்ளார். அப்போது, கடந்த 21ஆம் தேதி மதுபோதையில் சித்தோடு வந்த மோகன் அங்குள்ள செல்போன் கடை முன்பாக மயங்கிக் கிடந்தவர், சிறிது நேரத்தில் இறந்து விட்டதாகவும், இதையடுத்து, அங்கிருந்தவர்கள் மோகனின் உடலை சித்தோடு அரசு மருத்துவக் கல்லூரி மருத்துவமனைக்கு அனுப்பி வைத்து விட்டதாகவும் தெரிவித்துள்ளனர்.

இதையடுத்து, சுலோச்சனா அரசு மருத்துவக் கல்லூரி மருத்துவமனைக்கு சென்று இறந்தது தனது மகன் மோகன் தான் என்பதை உறுதி செய்தார்.  இதுகுறித்து நேற்று அவர் அளித்த புகாரின் பேரில், சித்தோடு போலீசார் வழக்குப் பதிவு செய்து விசாரித்து வருகின்றனர்.

Next Story

தேஜஸ்வி சூர்யா மீது வழக்குப்பதிவு

Published on 26/04/2024 | Edited on 26/04/2024
Case registered against Tejaswi Surya

உலகின் மிகப்பெரிய ஜனநாயக திருவிழாவான இந்திய நாட்டின் 18ஆவது நாடாளுமன்றத் தேர்தல் நாடு முழுவதும் களைகட்டி வருகிறது. அதன்படி வாக்குப்பதிவானது முதற்கட்டமாக கடந்த ஏப்ரல் 19 ஆம் தேதி தொடங்கி வரும் ஜூன் 1 ஆம் தேதி வரை 7 கட்டமாக நடைபெற உள்ளது. தமிழ்நாடு உள்ளிட்ட 21 மாநிலங்கள் மற்றும் யூனியன் பிரதேசங்களில் உள்ள 102 இடங்களுக்கு கடந்த 19 ஆம் தேதி வாக்குப்பதிவு நடைபெற்று முடிந்தது. இதன் ஒரு பகுதியாக நாடு முழுவதும் 13 மாநிலங்களில் உள்ள 87 மக்களவைத் தொகுதிகளில் இன்று (26.04.2024) 2ஆம் கட்ட வாக்குப்பதிவு நடைபெற்று வருகிறது.

இந்நிலையில் கர்நாடக மாநிலம் பெங்களூருவின் தெற்கு மக்களவைத் தொகுதி பாஜக வேட்பாளர் தேஜஸ்வி சூர்யா மீது போலீசார் வழக்குப்பதிவு செய்துள்ளனர். சமூக வலைத்தள பக்கமான எக்ஸ் வலைத்தள பக்கத்தில் மதரீதியாக வாக்கு சேகரிப்பது தொடர்பான வீடியோ ஒன்றை பாஜக வேட்பாளர் தேஜஸ்வி சூர்யா வெளியிட்டிருந்தார். இந்நிலையில் ஜெயநகர் போலீசார் அவர் மீது தற்போது வழக்குப்பதிவு செய்துள்ளனர். ஏற்கெனவே இன்று காலை மற்றொரு பாஜக வேட்பாளரான சுதாகர் மீது போலீசார் வழக்குப்பதிவு செய்திருந்தனர் என்பது குறிப்பிடத்தகுந்தது.