மாஸ்டர் படத்திலிருந்து வாத்தி கமிங் பாடல் வெளியீடு...

லோகேஷ் கனகராஜ் இயக்கத்தில் விஜய் நடித்துள்ள படம் மாஸ்டர். கடந்த நவம்பர் மாதம் தொடங்கப்பட்ட இப்படத்தின் ஷூட்டிங் 130 நாட்களுக்கு மேலாக நடைபெற்றது. தற்போது முழு ஷூட்டிங்கும் முடிவடைந்த நிலையில் இறுதி கட்ட பணிகளும், விளம்பரமும் ஒருசேர ஏப்ரல் மாத ரிலீஸுக்காக நடைபெற்று வருகிறது.

இப்படத்தில் விஜய்யுடன் மிகப்பெரிய நட்சத்திர பட்டாளமே இணைந்து நடித்துள்ளது. விஜய்யுடன் முதன் முறையாக விஜய்சேதுபதி, மாளவிகா மோகனன், சாந்தனு, ஆண்ட்ரியா, ரம்யா, ஆர்ஜூன் தாஸ் உள்ளிட்டோர் நடித்துள்ளார்கள்.

கத்தி படத்தை தொடர்ந்து மீண்டும் அனிருத் இசையமைத்திருக்கும் இப்படத்திலிருந்து குட்டி ஸ்டோரி என்னும் விஜய் பாடிய பாடல் வெளியாகி ரசிகர்களை கவர்ந்துள்ளது. மேலும் இப்படத்தின் ஆடியோ வெளியீட்டு விழா மார்ச் 15ஆம் தேதி நடைபெற இருப்பதாக படக்குழு அறிவித்துள்ளது.

இந்நிலையில் இன்று மாலை ஐந்து மணிக்கு இப்படத்திலிருந்து வாத்தி கமிங் எனும் இரண்டாவது பாடலை வெளியிட்டுள்ளது.