இந்த படத்தை தொடர்ந்து ஷங்கர் விஜய்யை வைத்து முதல்வன் 2 படத்தை உருவாக்க திட்டமிட்டு வருகிறார் என்று சினிமா வட்டாரங்களில் பேசப்படுகிறது. மீண்டும் தமிழ் திரையுலகில் தலை தூக்கியுள்ள சன் பிக்சர்ஸ் நிறுவனம் முன்னணி நடிகர்களை வைத்து தற்போது படம் எடுத்துக்கொண்டிருக்கிறது. அதைபோல முன்னணி இயக்குனரான ஷங்கருடனும் இணைந்து ஒரு படம் எடுக்க அவர்கள் யோசனையில் இருப்பதாகவும் அதனால் விஜய்- ஷங்கர் இணைந்து உருவாக இருக்கும் படத்தை சன் பிக்சர்ஸ் நிறுவனமே தயாரிக்கலாம் என்று எதிர்பார்க்கப்படுகிறது.
இந்நிலையில் மீண்டும் தளபதி 64 படம் குறித்தான ஒரு தகவல் சமூக வலைதளத்தில் சுற்றி வருகிறது. அது என்ன என்றால் தளபதி 64 படத்தில் இரண்டு இளம் நடிகைகள் விஜய்க்கு ஜோடியாக நடிக்க இருப்பதாகவும். அதில் இருவர் இமைக்கா நொடிகள் படத்தில் நடித்த ராஷி கண்ணாவும் மற்றொருவர் கீதா கோவிந்தம் ராஷ்மிகா மந்தானா என்றும் பரவி வருகிறது. ராஷ்மிகா மந்தானாவின் பெயர் பிகில் படத்திலேயே அடிப்பட்டது ஆனால், நயன்தாரா நடிக்க ஒப்புக்கொண்டதால் ராஷ்மிகா கைவிடப்பட்டார் என்று சொல்லப்படுகிறது.