தமன்னா சமீபகாலமாக தெலுங்கு மற்றும் இந்தி மொழி படங்களில் கவனம் செலுத்திவருகிறார். அந்த வகையில் தற்போது தெலுங்கில் 'குர்துண்ட சீதாகாலம்' படத்தில் நடித்துள்ளார். இப்படம் வருகிற செப்டம்பர் 9-ஆம் தேதி திரையரங்குகளில் வெளியாகவுள்ளது. இதனையடுத்து சிரஞ்சீவி நடிக்கும் 'போலா ஷங்கர்' படத்தில் நடித்து வருகிறார். இப்படம் தமிழில் அஜித் நடிப்பில் வெளியான 'வேதாளம்' படத்தின் ரீமேக் ஆகும். பின்பு இந்தியில் 'பப்லி பவுன்சர்' படத்தில் முதன்மை கதாபாத்திரத்தில் நடித்துள்ளார். இப்படம் நேரடியாக ஹாட்ஸ்டார் ஓடிடியில் செப்டம்பர் 23-ஆம் தேதி வெளியாகவுள்ளது.
இந்நிலையில் தமன்னா தமிழ், இந்தி, தெலுங்கு மொழிகளை தொடர்ந்து தற்போது மலையாளத்திலும் அறிமுகமாகவுள்ளார் என தகவல் வெளியாகவுள்ளது. அதன்படி அருண் கோபி இயக்கத்தில் திலீப் கதாநாயகனாக நடிக்கும் படத்தில் தமன்னா கதாநாயகியாக நடிக்கவுள்ளார் என கூறப்படுகிறது.