'கண்ணே கலைமானே' படத்திற்கு அந்த வாய்ப்பில்லை ! - சீனு ராமசாமி புலம்பல் 

உதயநிதி ஸ்டாலின், தமன்னா இணைந்து நடித்துள்ள 'கண்ணே கலைமானே' படத்தை சீனு ராமசாமி இயக்கியுள்ளார். வரும் 22ஆம் தேதி வெளியாகவுள்ள இப்படத்திற்கு ப்ரிவ்யூ காட்சி குறித்து சீனு ராமசாமி வருத்தத்துடன் சமூகவலைத்தளத்தில் பதிவிட்டுள்ளார். அதில்... "என் எல்லாப்படங்களையும் சர்வக்கட்சி தலைவர்களுக்கு சிறப்புக்காட்சியாக திரைபிடல் செய்யவதுண்டு. இம்முறை திரு,உதயநிதி செல்வி தமன்னா நடித்து வரும் 22ல் வெளிவரும் #கண்ணேகலைமானே திரைப்படத்திற்கு அவ்வாய்ப்பில்லை. கூட்டணிகள் தீர்மானிக்கின்றன பிரிவியூ காட்சிகளையும்.." என உருக்கமாக பதிவிட்டுள்ளார். பாராளுமன்ற தேர்தலுக்கான கூட்டணி குறித்த அறிவிப்புகளும், பேச்சுவார்த்தைகளும் தற்போது பரபரப்பாக போய்க்கொண்டிருக்கிறது என்பது குறிப்பிடத்தக்கது.