‘பிசாசு 2’ படத்தின் லேட்டஸ்ட் அப்டேட்!

‘சைக்கோ’ படத்தைத் தொடர்ந்து, தமிழ் சினிமாவின் முன்னணி இயக்குநரான மிஷ்கின் இயக்கத்தில் உருவாகிவரும் படம் ‘பிசாசு 2’. கடந்த 2014ஆம் ஆண்டு வெளியான ‘பிசாசு’ படத்தின் இரண்டாம் பாகமான இப்படத்தில், ஆண்ட்ரியா முதன்மை கதாபாத்திரத்தில் நடிக்கிறார். ராக்ஃபோர்ட் எண்டர்டெயின்மெண்ட் சார்பில் முருகானந்தம் தயாரிக்க, கார்த்திக் ராஜா இசையமைக்கிறார்.

கடந்த ஆண்டின் இறுதியில் பூஜையுடன் படப்பிடிப்பைத் தொடங்கிய படக்குழு, தற்போது மொத்த படப்பிடிப்பையும் நிறைவுசெய்து இறுதிக்கட்டப் பணிகளில் கவனம் செலுத்திவருகிறது. இந்த நிலையில், படத்தின் முதல் பாடல் வெளியீடு குறித்த அறிவிப்பை படக்குழு இன்று (29.09.2021) வெளியிட்டுள்ளது. அதன்படி, காந்தி ஜெயந்தி தினத்தை முன்னிட்டு 'உச்சந்தல ரேகையிலே...' என்ற பாடல் அக்டோபர் 2ஆம் தேதி வெளியாகவுள்ளது.