‘மிஸ் பண்ணக்கூடாத படம்’ - அமைச்சர் உதயநிதி ரிவ்யூ

இயக்குநர் சிதம்பரம் இயக்கத்தில் சௌபின் ஷாஹிர், ஸ்ரீநாத் பாசி, பாலு வர்கீஸ் உள்ளிட்ட பலர் நடிப்பில் கடந்த 22ஆம் தேதி வெளியான மலையாளப் படம் ‘மஞ்சுமெல் பாய்ஸ்’. ‘பரவா பிலிம்ஸ்’ தயாரிப்பில் உருவாக்கியுள்ள இப்படத்திற்கு சுஷின் ஷ்யாம் இசையமைத்துள்ளார். சர்வைவல் த்ரில்லர் ஜானரில் வெளியாகியுள்ள இப்படம் நல்ல வரவேற்பை பெற்று வருகிறது.

இப்படம் உண்மை சம்பவத்தை தழுவி எடுக்கப்பட்டுள்ளதாக தெரிவிக்கப்பட்டுள்ளது. 2006ஆம் ஆண்டு கொடைக்கானலுக்கு சுற்றுலா வரும் கேரள இளைஞர்கள், ஒரு இக்கட்டான சூழ்நிலையில் சிக்கி அதிலிருந்து எப்படி மீள்கின்றனர் என்ற சம்பவத்தை அடிப்படையாகக் கொண்டு உருவாக்கப்பட்டுள்ளது.

இந்த நிலையில் அமைச்சர் உதயநிதி இப்படத்திற்கு பாராட்டு தெரிவித்துள்ளார். இது தொடர்பாக அவர் எக்ஸ் தளத்தில் குறிப்பிட்டிருப்பதாவது, “மஞ்சுமெல் பாய்ஸ் படத்தைப் பார்த்தேன். ஜஸ்ட் வாவ். மிஸ் பண்ணிடாதீங்க. படக்குழுவிற்கு எனது வாழ்த்துகள்” என குறிப்பிட்டுள்ளார்.