அமீர் கான் நடிப்பில் அத்வைத் சந்தன் இயக்கத்தில் உருவாகியுள்ள படம் 'லால் சிங் சத்தா'. இப்படத்தில் அமீர் கானுக்கு ஜோடியாக கரீனா கபூர் நடிக்க, மோனா சிங், நாகா சைதன்யா உள்ளிட்டோர் படத்தின் முக்கிய கதாபாத்திரத்தில் நடித்துள்ளனர். இப்படம் 1994ஆம் ஆண்டு ஹாலிவுட்டில் டாம் ஹான்க்ஸ் நடிப்பில் வெளியாகி, உலகம் முழுவதும் பல விருதுகளைக் குவித்த ‘ஃபாரஸ்ட் கம்ப்’ படத்தின் அதிகாரப்பூர்வ ரீமேக் ஆகும். சமீபத்தில் இப்படத்தின் இந்தி ட்ரைலர் வெளியாகி நல்ல வரவேற்பை பெற்றது.
இந்நிலையில் 'லால் சிங் சத்தா' படத்தின் தமிழ் ட்ரைலர் வெளியாகியுள்ளது. ஐக்யூ அளவு குறைவாகவும் இரு கால்கள் சரியில்லாதவராகவும் உள்ள ஒரு மனிதர் வாழ்வில் எப்படி முன்னேறி வெற்றிபெறுகிறார் என்பதை விறுவிறுப்போடு ஊக்கமளிக்கும் வகையில் சொல்லியிருப்பது போல் வெளியாகியுள்ளது இந்த ட்ரைலர். ஆகஸ்ட் 11-ஆம் தேதி வெளியாகவுள்ள இப்படத்தை தமிழில் உதயநிதி ஸ்டாலினின் ரெட் ஜெயன்ட் நிறுவனம் வெளியிடுவுள்ளது குறிப்பிடத்தக்கது.