தென்காசி மாவட்டம் புளியங்குடி காவல்துறை துணைச்சரகத்தினை சேர்ந்த தென்மலை இந்திரா நகர் காலனியைச் சேர்ந்தவர் முருகன் மகன் முனியப்பன். ஜேசிபி ஆபரேட்டரான இவருக்கும் விருதுநகர் மாவட்டம் கிருஷ்ணன் கோவில் குன்னூரைச் சேர்ந்த பெண் ஒருவருக்கும் 06-03-2020 அன்று திருமணம் என நிச்சயிக்கப்பட்டு நாளை வெள்ளிக்கிழமை திருமணம் நடைபெறவிருந்த நிலையில், மாப்பிள்ளை முனியப்பன், அவரது அம்மா பஞ்சவர்ணம் மற்றும் அவரது தங்கை முனீஸ்வரி ஆகிய மூன்று பேரும் வீட்டின் கதவைத் திறந்து வைத்து ஒரு அறையில் தூங்கிக் கொண்டிருந்துள்ளனர்.
அதே வேளையில் சந்தேகத்திற்கிடமாக கொலையுண்ட முனியப்பனின் தங்கை கணவர் வேல்முருகனை சிவகிரி காவல் நிலையத்திற்கு அழைத்து வந்து விசாரணை செய்து வருகின்றனர்.
காவல்துறையினரின் முதற்கட்ட விசாரணையில், "கொலையுண்ட முனியப்பன் தங்கை மாப்பிள்ளையான என்னை மதிப்பதுமில்லை.! திருமண பார்ட்டியும் வைக்கவில்லை. ஆதலால் ரூ.50 க்கு காய்கறி வெட்டும் கத்தியை விலைக்கு வாங்கி வந்து அனைவரும் தூங்குகையில், சந்தர்ப்பம் பார்த்து கழுத்தை அறுத்துக் கொன்றேன்." என வேல்முருகன் வாக்குமூலம் கொடுத்துள்ளதாக தெரிகின்றது. காவல்துறையினரின் தொடர் விசாரணையில், "அவனை அறுக்கும் போது வருகின்ற ரத்தத்தை பார்க்கையில் பயம் வந்துடுச்சு.. அதனால் அவனை மடியில் போட்டு அழுதேன்." என்றும் கூறியிருக்கின்றார் கொலையாளி வேல்முருகன். இதனால் இப்பகுதியில் பரபரப்பு நிலவி வருகின்றது.