கைதுக்குப் பயந்து தப்பி ஓட்டம்! 

முன் அனுமதி பெறாமல் பேரணி செல்ல முயன்ற, இந்து முன்னணியைச் சேர்ந்தவர்கள், கைதுக்குப் பயந்து இருசக்கர வாகனத்தில் தப்பிய சம்பவம் திருச்சியில் நடந்துள்ளது.

திருச்சியில், இன்று காலை 8 மணியில் இருந்து, இந்து முன்னணியின் பேரணி நடப்பதாகக் கிடைத்த தகவலின் அடிப்படையில், அவர்களைக் கைது செய்யக் காவல்துறையினர் மதியம் 12 மணி வரை காத்திருந்தனர்.

நீண்ட காத்திருப்புக்குப் பிறகு, இந்து முன்னணியைச் சேர்ந்த 8 பேர், ஆன்மிக அரசியலை ஆதரித்துப் பேரணி செல்ல முயன்றனர். பேரணி செல்ல முயற்சி செய்தவர்களை, காவல் துறையினர் கைது செய்ய முயற்சித்தபோது, நாங்கள் வீட்டிற்குச் செல்கிறோம் என்று கூறி ஒருவர் கூட கைதாகாமல், தாங்கள் வந்த இருசக்கர வாகனத்திலேயே தப்பித்து ஓடியுள்ளார்கள்.