ராகுல்காந்தி அப்படி பேசினாரே, அதற்கு உங்கள் பதில் என்ன? திமுகவிடம் கேட்ட முதல்வர்...

ராகுல்காந்தி கூறினார், காங்கிரஸ் மத்தியில் ஆட்சி அமைத்தவுடன், காவிரி ஆற்றின் குறுக்கே மேகதாது அணை கட்டப்படும், காவிரி மேலாண்மை ஆணையம் கலைக்கப்படும் என்று. இப்போதே நமக்கு தண்ணீர் கிடைக்கவில்லை. சித்தராமையா முதல்வராக இருந்தபோது, கடுமையான குடிநீர் தட்டுப்பாடு ஏற்பட்டது அப்போது, தமிழ்நாட்டிற்கு கிடைக்கவேண்டிய தண்ணீரிலிருந்து 2 டி.எம்.சி. தண்ணீர் விடுங்கள் அப்படினு கோரிக்கை வைத்தோம், கடிதம் எழுதினேன். நானே நேரடியா வந்து உங்களை சந்திக்கிறேன் அப்படினு சொன்னேன். ஆனால் அதற்கு எந்த பதிலுமே கிடைக்கவில்லை.

ஆகவே, அங்கே உங்கள் கட்சியைச்சேர்ந்த, கூட்டணிக் கட்சியைச்சேர்ந்தவர்களின் ஆட்சிதான் நடைபெற்றுக்கொண்டிருக்கிறது. ஆகவே, தயவுசெய்து இவ்வளவு பேசுகிற நீங்கள், அந்த தண்ணீரை திறந்துவிட்டால் இங்கே மேட்டூர் அணையிலிருந்து, வீராணத்திற்கு தண்ணீர் கொண்டு, இங்கு எளிமையாக தண்ணீர் வழங்கிவிடலாம் என்று கூறினார்.