இந்த நிலையில் ரஜினி கட்சி ஆரம்பித்தால் அவரது கட்சியில் மாற்று கட்சியில் இருக்கும் முக்கிய பிரபலங்கள் இணைய வாய்ப்பு உள்ளதாக சொல்லப்படுகிறது. இதனால் திமுக, அதிமுக கட்சியில் தேர்தலில் போட்டியிட வாய்ப்பு கிடைக்காமல் இருக்கும் அதிருப்தி நிர்வாகிகள் ரஜினி கட்சி ஆரம்பித்த உடன் இணைய வாய்ப்பு அதிகம் உள்ளதாக சொல்லப்படுகிறது. இதில் குறிப்பாக திமுக கட்சியில் இருந்து சமீப காலமாக ஒதுங்கியிருக்கும் மு.க.அழகிரி ரஜினி மீது கொண்டுள்ள நட்பால் ரஜினியுடன் இணைந்து செயல்படுவார் அல்லது ஆதரவு கொடுக்க வாய்ப்பு இருக்கலாம் என்று அரசியல் வட்டாரங்களில் பேசப்பட்டு வருகிறது. அதே போல் காங்கிரஸ் கட்சியில் இருந்த கராத்தே தியாகராஜனும் ரஜினியுடன் இணைந்து செயல்பட வாய்ப்பு உள்ளதாக கூறுகின்றனர். அதோடு பெரிய கட்சிகளான திமுக, அதிமுகவில் அதிருப்தியில் இருப்பவர்கள் ரஜினி கட்சி ஆரம்பித்தால் அவருடன் செல்ல தயாராக இருப்பதால் திமுக, அதிமுக தலைமை அதிருப்தியில் இருப்பதாக கூறுகின்றனர். இதனால் அதிருப்தியில் இருக்கும் நிர்வாகிகளை சமாதானம் செய்யும் முயற்சியில் திமுக, அதிமுக தலைமைகள் முடிவெடுத்திருப்பதாக கூறுகின்றனர்.