'கம்மலை விழுங்கி கோழி... கதறி அழுத மனிதர்' ஆந்திராவில் நடந்த நெகிழ்ச்சி சம்பவம்!

ஆந்திராவின் கடப்பா மாவட்டத்தை சேர்ந்தவர் ரகு என்கிற ரகுநாதன். இவருக்கு திருமணமாகி 10 ஆண்டுகள் ஆகியும் குழந்தை இல்லை. இதனால் விலங்குகள் மீது பிரியம் கொள்ள ஆரம்பித்தார். இவர் குடியிருக்கும் வீட்டில் நாய் வளர்க்க தடை உள்ளதால் கடந்த இரண்டு வருடமாக கோழி ஒன்றை வாங்கி வளர்த்து வந்துள்ளார். அதன் மீது அவரின் மனைவியும் அலாதி பிரியம் கொண்டிருந்தார். அக்கம்பக்கத்தினரும் அதன் மீது பாசம் காட்டி, அதற்கு உணவு கொடுத்து வந்தனர். இந்நிலையில், ரகுவின் மனைவி சில நாட்களுக்கு முன் தனது தங்க கம்மலை கழட்டி வைத்துவிட்டு குளிக்கச் சென்றுள்ளார். அப்பொழுது வீட்டிற்குள் வந்த அந்த கோழி அவர் டேபிளில் வைத்திருந்த தங்க கம்மலை விழுங்கிவிட்டது.