'முக்கியமான கட்சியில் இருந்து ஒரு பெரும்புள்ளி வெளியே வரக் காத்திருக்கிறது... ' -பா.ஜ.க. பிரமுகர் போட்ட ட்வீட்டால் அரசியலில் பரபரப்பு!

இந்தநிலையில் பா.ஜ.க. நிர்வாகிகளில் ஒருவரான ஏ.பி.முருகானந்தம், 'முக்கியமான கட்சியில் இருந்து ஒரு பெரும்புள்ளி, வெளியே வரக் காத்திருக்கிறது. பெயரின் முதல் எழுத்து நாளை வெளியிடப்படும்' என்று மே 31 ஆம் தேதி ட்வீட்டரில் தெரிவித்திருந்தார். பின்னர் 'முதல் எழுத்து P' என தெரிவித்திருந்தார். அதனைத் தொடர்ந்து 'PK' எனத் தெரிவித்திருக்கிறார்.

பா.ஜ.க.வின் நிர்வாகிகளில் முக்கியமான நபர் ஏ.பி.முருகானந்தம். மாநில தலைவராக வரக்கூடும் என்று எதிர்பார்க்கப்பட்டவர்களில் அவரும் ஒருவர். 'முக்கியமான கட்சியில் இருந்து ஒரு பெரும்புள்ளி வெளியே வரக் காத்திருக்கிறது...' என அவர் கூறியிருப்பதால், தமிழக அரசியலில் பெரும் பரபரப்பு ஏற்பட்டுள்ளது. 'PK' எனக் குறிப்பிடப்பட்டுள்ளதால் தி.மு.க.வின் அரசியல் ஆலோசகராக உள்ள 'PK' -வா? என்ற விவாதமும் ஓடிக்கொண்டிருக்கிறது.