அதன்பின் புதுப்பேட்டை 2 எப்போது எப்போது என்று செல்வராகவன் கலந்துக்கொள்ளும் மேடைகளில் மக்கள் கேட்க தொடங்கினர். அண்மையில் செல்வராகவன் இயக்கத்தில் என்.ஜி.கே வெளியாக, செல்வராகவன் அடுத்து தனுஷை வைத்து இயக்கப்போகிறார் என்று தகவல் வெளியானது.
இந்நிலையில் நேற்று ஒரு கல்லூரி விழாவில் கலந்துக்கொண்ட செல்வராகவன் புதுப்பேட்டை 2 படத்தை அடுத்து இயக்கப்போவதாக கூறியுள்ளார்.
அந்த மேடையில் செல்வா பேசுகையில், “அடுத்து என்ன படம் பண்ண போறீங்கன்னு நிறைய பேர் கேட்கிறார்கள். சரி உங்களுக்காக சொல்கிறேன். என்.ஜி.கே-வை தொடர்ந்து நான் பண்ணப்போகும் படத்தில் தனுஷ்தான் ஹீரோ. சரி என்ன பண்ணலாம் என்ன பண்ணலாம் என்று யோசித்துக்கொண்டிருக்கும்போது புதுப்பேட்டை 2 பண்ணிடலாம் என்று உறுதி செய்திருக்கிறோம்” என்றார். இதை கேட்டவுடன் அங்கிருந்த மாணவர்கள் கரகோஷங்களை எழுப்பினார்கள்.
தற்போது இந்த அறிவிப்பால் புதுப்பேட்டை 2 ட்விட்டரில் இந்தியளவில் ட்ரெண்டாகி வருகிறது.