விக்ரமின் 'கோப்ரா' படம்... அப்டேட் விட்ட படக்குழு!

02:50 PM May 22, 2020 | santhoshkumar

'கடாரம் கொண்டான்' படத்தைத் தொடர்ந்து நடிகர்ம் விக்ரம் நடித்து வந்த படம் 'கோப்ரா'. 'டிமாண்டி காலனி', 'இமைக்கா நொடிகள்' உள்ளிட்ட படங்களை இயக்கிய அஜய் ஞானமுத்துதான் இப்படத்தை இயக்கி வருகிறார். 'ஐ' படத்திற்கு அடுத்து விக்ரம் நடிக்கும் படத்தில் ஏ.ஆர். ரஹ்மான் இசையமைத்துள்ளார்.

விக்ரம் பிறந்தநாளின்போது இப்படத்தின் ஃபர்ஸ்ட் லுக்கை வெளியிட்டது படக்குழு. அதன் அடிப்படையில் விக்ரமின் நடிப்பிற்கும், உழைப்பிற்கும் தீனி போடும் வகையில் பல வேடங்களை ஏற்று நடித்திருப்பது தெரியவந்தது.

இதனை அடுத்து படத்தின் ஷூட்டிங் விறுவிறுப்பாக ரஷ்யாவில் நடைபெற்றுக் கொண்டிருக்கும்போது கரோனா அச்சுறுத்தல் காரணமாக பாதி ஷூட்டிங்குடன் நாடு திரும்பியது படக்குழு.

இந்நிலையில் இப்படத்தின் தயாரிப்பு நிறுவனம் செவன் ஸ்கிரீன்ஸ், இதுவரை 90 நாட்கள் ஷூட்டிங் நடைபெற்றுள்ளது இன்னும் 25 சதவீதம் ஷூட்டிங் நடைபெற வேண்டும் என்று அறிவித்துள்ளது. கரோனா அச்சுறுத்தல் முடிந்த பிறகு மீதமுள்ள ஷூட்டிங்கை உடனடியாக எடுத்து இறுதிக்கட்ட பணிகளை முடித்து ரிலீஸ் செய்யப்படும் என்று எதிர்பார்க்கப்படுகிறது.

விக்ரமின் 'கோப்ரா' படம்... அப்டேட் விட்ட படக்குழு!

மிஸ் பண்ணிடாதீங்க