இதைத்தொடர்ந்து ஆர்யா-சாயிஷா திருமண நிகழ்ச்சிகள் நேற்றுமுன்தினம் ஐதராபாத்தில் உள்ள நட்சத்திர ஓட்டலில் தொடங்கியது. மெகந்தி மற்றும் திருமண வரவேற்பு நிகழ்ச்சியில் இந்தி நடிகர்கள் சஞ்சய் தத், ஆதித்ய பஞ்சோளி மற்றும் உறவினர்கள் பங்கேற்றனர். நேற்று மாலை அதே ஓட்டலில் ஆர்யா-சாயிஷா திருமணம் இஸ்லாமிய முறைப்படி நடந்தது. இதில் தெலுங்கு நடிகர் அல்லு அர்ஜுன், தமிழ் நடிகர்கள் சூர்யா, கார்த்தி, விஷால், ராணா, ஷாம் ஆகியோருடன் தயாரிப்பாளர்கள் ராஜசேகர பாண்டியன், ஞானவேல் ராஜா, தனஞ்செயன், இயக்குனர் ஏ.எல்.விஜய் உள்பட பலர் கலந்துகொண்டனர். மேலும் சில தமிழ், இந்தி, தெலுங்கு, மலையாள திரையுலகினர் மற்றும் உறவினர்கலும் கலந்துகொண்டு மணமக்களை நேரில் வாழ்த்தினார்கள். மேலும் வரும் 14ஆம் தேதி சென்னையில் ஆர்யா - சாயிஷா திருமண வரவேற்பு நிகழ்ச்சி நடைபெற உள்ளது. இதில் தமிழ் திரையுலகை சேர்ந்த பலவேறு பிரபலங்கள் கலந்துகொண்டு மணமக்களை வாழ்த்தவுள்ளனர்.