ADVERTISEMENT
ADVERTISEMENT
உலக நாடுகள் முழுவதும் கரோனா பாதிப்பால் திரை பிரபலங்கள், அரசியல் தலைவர்கள் என பல்வேறு மக்கள் பாதிக்கப்பட்டனர். இதில் சிலர் சிகிச்சை பலனின்றி மறைந்தனர். அந்த வகையில் பாலிவுட்டின் முன்னணி நடிகர் அமிதாப்பச்சன் கடந்த 2020-ஆம் ஆண்டு பாதிக்கப்பட்டார். பின்பு மருத்துவமனையில் சிகிச்சை பெற்றுக் குணமடைந்தார்.
இந்நிலையில் அமிதாப்பச்சன் மீண்டும் இரண்டாவது முறையாக கரோனா தொற்றால் பாதிக்கப்பட்டுள்ளார். இது தொடர்பாகத் தனது அதிகாரப்பூர்வமான ட்விட்டர் பக்கத்தில் அவர் வெளியிட்டுள்ள பதிவில், "கரோனா சோதனையில் தொற்று உறுதிசெய்யப்பட்டுள்ளது. அதனால் தயவு செய்து என்னுடன் தொடர்பிலிருந்த அனைவரும் கரோனா பரிசோதனை செய்துகொள்ளுங்கள்" என வலியுறுத்தியுள்ளார். இதனிடையே அமிதாப்பச்சன் விரைவில் குணமடைய அவரது ரசிகர்கள் பிரார்த்தனை செய்து வருகின்றனர்.
ADVERTISEMENT
Show comments