மும்பை வான்கடே மைதானத்தில் முதலில் பேட்டிங்கைத் தேர்வு செய்து விளையாடிய சென்னை சூப்பர் கிங்ஸ் அணி 20 ஓவர் முடிவில் 5 விக்கெட் இழப்பிற்கு 131 ரன்களை எடுத்தது. கொல்கத்தா நைட் ரைடர்ஸ் அணியின் சுழற்பந்து வீச்சாளர்களின் அபார பந்துவீச்சால் 11 ஓவர்களில் 61 ரன்களுக்கு 5 விக்கெட்டுகளை இழந்து சென்னை சூப்பர் கிங்ஸ் தவித்த நிலையில், தோனி தனது அபார பேட்டிங்கை வெளிப்படுத்தினார். தோனி 38 பந்துகளில் 50 ரன்களுடனும், ஜடேஜா 26 ரன்களுடனும் ஆட்டமிழக்காமல் களத்தில் இருந்தனர்.