மகளிர் டி20 உலகக்கோப்பை கிரிக்கெட்- ஆஸ்திரேலிய அணி சாம்பியன்!

மகளிர் 20 ஓவர் உலகக்கோப்பை கிரிக்கெட் போட்டியில் 5- வது முறையாக ஆஸ்திரேலியா அணி சாம்பியன் பட்டம் வென்றது. ஆஸ்திரேலியாவில் மெல்பர்னில் நடைபெற்ற இறுதிப்போட்டியில் 85 ரன்கள் வித்தியாசத்தில் இந்திய அணியை வீழ்த்தியது ஆஸ்திரேலியா அணி.

முதலில் விளையாடிய ஆஸ்திரேலிய அணி 20 ஓவரில் 4 விக்கெட் இழப்புக்கு 184 ரன்கள் எடுத்தது. 185 ரன்கள் எடுத்தால் வெற்றி என்ற இலக்குடன் களமிறங்கிய இந்திய அணி 19.1 ஓவரில் அனைத்து விக்கெட்டுகளையும் இழந்து 99 ரன்களை மட்டுமே எடுத்து தோல்வி அடைந்தது.