கீரி குட்டி ஒன்று சக கீரி குட்டிகளுடன் விளையாடி கொண்டிருந்த பொழுது அருகிலிருந்த பெரிய பறவையை கண்டு இறந்தது போல் பாசாங்கு செய்து நடித்த வீடியோ ஒன்று அனைவராலும் ரசிக்கப்பட்டு வருகிறது.
தென்னாப்பிரிக்காவில் சபிசாண்ட் என்ற தனியார் பூங்காவில் கீரி குட்டி ஒன்று சக கீரி குட்டிகளுடன் விளையாடி கொண்டு இருந்தது. அப்போது திடீரன ஒரு பறவை அந்த இடத்திற்கு வர, அந்த கீரி குட்டி அப்படியே நின்ற இடத்திலே இறந்தது போல தொபீர் என்று கீழே விழுந்தது. பிறகு சிறிது நேரம் கழித்து எழுந்து பார்க்க அந்த பறவை அங்கேயே இருந்ததை கண்டு மீண்டும் இறந்தது போல் நடித்தது. இந்த காட்சி என்னை சாப்பிட போகிறாயா இதோ இறந்துட்டேன் என்னை சாப்பிட்டு விடாதே என சொல்வதை போல இருந்தது. இந்த காட்சி அங்கே இருந்தவர்களால் வீடியோ எடுக்கப்பட்டு பரவியது. அந்த வீடியோ தற்போது பலரால் இணையத்தில் ரசிக்கப்பட்டும் பகிரப்பட்டும் வருகிறது.