தந்தை குறித்து அமேசான் நிறுவன தலைவர் ஜெஃப் நெகிழ்ச்சி!

அவருடைய விடாப்படியான குணம், நம்பிக்கை முன் உதாரணமாக திகழ்கிறது. என் தந்தையின் அமெரிக்கப் பயணம் என்பது, எப்படி மக்கள் ஒருவருக்கொருவர் உதவியாக இருக்கிறார்கள் என்பதை காட்டுகிறது. அவரை கொண்டாட எங்களுக்கு வாய்ப்பு கிடைத்துள்ளது. என் தந்தையின் தாய், அமெரிக்காவில் அதிகம் குளிரும் என்று நினைத்துள்ளார். இதற்காக அவருக்கு, துடைக்க பயன்படுத்தும் துணிகளில் இருந்து கோட் போன்ற ஒன்றை தயார் செய்துள்ளார். அந்த ஆடையை இன்னும் நாங்கள் பத்திரமாக வைத்துள்ளோம். தனது தந்தை அமெரிக்காவிற்கு வரும் போது 3 சர்ட்கள், 3 பேண்ட்கள், 3 அண்டர்-வேர்கள் மற்றும் ஒரு ஜோடி ஷூ உடன் தன்னந்தனியாக வந்ததை நினைத்துப் பார்த்தாலே திகிலாக இருக்கிறது என ஜெஃப் நினைவுக் கூர்ந்தார். ஆனால் ஃபிடல் காஸ்ட்ரோவிடம் இருந்து அவரை காப்பாற்ற அமெரிக்கா அனுப்புவதுதான் சரியானது என்று அவரது பெற்றோர்கள் நினைத்திருக்கிறார்கள் என்று நெகிழ்ந்தார்.