ஆளும் கட்சியினர் வேட்புமனு குளறுபடிகளைக் கண்டுகொள்வதில்லை! - தேர்தல் அலுவலர்கள் மீது குற்றச்சாட்டு!

ஒன்றியக்குழு உறுப்பினர் வேட்புமனு என்றாலும், அதில் ஒரு குறை காணப்பட்டு நிராகரிக்கப்படும்போது, சம்மந்தப்பட்ட கட்சியினர் நொந்துதான் போவார்கள். ஏனென்றால்- ஒன்றியக்குழு உறுப்பினர் வேட்பாளராக வேண்டும் என்பதற்காக, அந்த நபரும் அவருடைய ஆதரவாளர்களும் எடுத்துக்கொண்ட முயற்சியெல்லாம், நிராகரிப்பால் வீணாகிவிடும் என்பதனால்தான். வேட்பு மனு விஷயத்தில், போட்டியிடுபவர் தன்னுடைய விபரங்களை எந்த அளவுக்கு குறையில்லாமல் அளிக்கிறாரோ, அதுபோல் அதே வார்டில் தன்னோடு போட்டியிடுபவர்களின் வேட்பு மனுக்களும் உள்ளனவா? குறைகள் ஏதேனும் உள்ளனவா? என்று அலசி ஆராய்வதிலும் மிகுந்த கவனம் செலுத்துவர். வத்திராயிருப்பு ஊராட்சி ஒன்றிய அலுவலகத்திலும் அப்படி ஒரு வேட்புமனு குறை கண்டறியப்பட்டு நிராகரிக்கப்பட்டுள்ளது. என்ன குறையென்று பார்ப்போம்!