Skip to main content

திருநீறு பூசி அமைச்சர் மிரட்டியும் அலட்சியமோ அலட்சியம்!- துரோகத்தால் வீழ்ந்த விருதுநகர் மாவட்ட அதிமுக!

Published on 14/01/2020 | Edited on 14/01/2020

விருதுநகர் மாவட்டத்தில், மாவட்ட பஞ்சாயத்துகளில் 65 சதவீத இடங்களில் வெற்றி பெற முடிந்த அதிமுக, ஒன்றியங்களுக்கான தேர்தலில் வெறும் 11 சதவீத வெற்றியே பெற்றது. இரட்டை இலை வாக்காளர்களை அமமுக கவர்ந்தது, அதிமுகவில் இருந்தபடியே ஜாதி அடிப்படையில் ஒரு பிரிவினர் எதிராகச் செயல்பட்டது, பல ஒன்றியங்களில் வேட்பாளர் தேர்வில் கட்சியினரிடம் ஏற்பட்ட அதிருப்தி என எல்லாம் சேர்ந்து, ‘அதிமுக பெல்ட்’ எனச் சொல்லப்படும் விருதுநகர் மாவட்டத்தில், ஒன்றியங்களுக்கான தேர்தலில் திமுகவுக்கு 83 சதவீத வெற்றியை பெற்றுத் தந்திருக்கிறது.

இந்த மாவட்டத்தில் அதிமுக இன்னும்‘ஸ்ட்ராங்’ஆகத்தான் இருக்கிறது என்பதற்கு 20-க்கு 20-ல் வென்ற வெம்பக்கோட்டை ஒன்றியத்தை உதாரணமாகச் சொல்லலாம். தமிழகத்திலேயே, 100 சதவீத வெற்றி பெற்ற ஒரே ஒன்றியம் இதுதான். இந்த ஒன்றியத்தில், சாத்தூர் அதிமுக எம்.எல்.ஏ. ராஜவர்மன் காட்டிய தீவிரத்தை, மற்ற ஒன்றியங்களில் யாரும் பெரிதாகக் கடைப்பிடிக்கவில்லை. 

VIRUDHUNAGAR DISTRICT ADMK  PARTY LEADER MINISTER RAJENDRA BALAJI


தும்பை விட்டு வாலைப் பிடித்த கதையாக, உறுப்பினர் எண்ணிக்கை அடிப்படையில் திமுகவுக்குப் போகவேண்டிய ஒன்றியங்களை, கவுன்சிலர் தலைகளுக்கு விலைபேசி கைப்பற்ற முயற்சித்தது ஆளும்கட்சி. அது சரிவர நடக்காததால், வத்திராயிருப்பு, நரிக்குடி, ராஜபாளையம், சாத்தூர் ஆகிய நான்கு ஒன்றியங்களில் ஆட்களை ஏவிவிட்டு ரகளை செய்து, திட்டமிட்டு தேர்தலை தள்ளிவைக்கச் செய்தனர். நரிக்குடியிலோ, மணல் மாபியா என்று சொல்லப்படும் அம்மன்பட்டி ரவிச்சந்திரன் ஏற்பாட்டில், கல்வீச்சு, ஒன்றிய அலுவலகம் சூறை என பேயாட்டம் ஆடி, டி.எஸ்.பி. வெங்கடேசனின் கையை  அரிவாளால் கீறியும் விட்டனர்.  

VIRUDHUNAGAR DISTRICT ADMK  PARTY LEADER MINISTER RAJENDRA BALAJI



“அது ரொம்ப துடியான சாமி.. சக்தி வாய்ந்த கோயில்ல இருந்து திருநீறு வாங்கிட்டு வந்திருக்கேன்.. பூசிக்கங்க.. ஓட்டு போடும்போது கட்சிக்கு எதிரா வேலை பார்த்தீங்கன்னா.. கை, கால் வெளங்காம போயிரும்..”என்று குற்றாலத்தில் தங்க வைக்கப்பட்டிருந்த கவுன்சிலர்களிடம் மிரட்டல் அஸ்திரத்தை எடுத்துவிட்ட விருதுநகர் அதிமுக மாவட்ட செயலாளரும், அமைச்சருமான ராஜேந்திரபாலாஜி, விருதுநகரில் வைத்து கவுன்சிலர்களிடம் “யாராரு என்னென்ன பண்ணுறீங்கன்னு எனக்கு நல்லாவே தெரியும். தேர்தலப்ப ஏதாச்சும் கோல்மால் பண்ணுனீங்கன்னா.. நீங்க சேர்த்து வச்சிருக்கிற சொத்து எல்லாத்தயும்  எழுதி வாங்கிருவேன்..” என்று கோபாவேசம் காட்டியிருக்கிறார். ஆனாலும், தனது சொந்தத் தொகுதியிலேயே, சிவகாசி ஒன்றியத்தை திமுகவிடம் பறிகொடுத்திருக்கிறார். 


குடும்பங்களின் பிடியில் ஒன்றியங்கள்!

“கட்சிக்காக உழைச்சேன்; போராடியிருக்கேன்; ஜெயிலுக்குப் போனேங்கிறதெல்லாம் சீட் கொடுக்கிறதுக்கான தகுதியில்ல. எப்படி சம்பாதிச்சாலும் கவலையில்ல. வீட்டுல மூட்டை மூட்டையா பணம் வச்சிருக்கியா? எதிர்ல நிக்கிறவனைக் காட்டிலும் நெறய பணம் செலவழிப்பியா?”என்று கேட்டு, வேட்பாளரின் வெயிட்டைப் பார்த்து, சீட் தந்ததாலோ என்னவோ, அதிமுகவிலும் திமுகவிலும் குறிப்பிட்ட குடும்பத்தினரின் கைகளுக்கு சில ஒன்றியங்கள் போயிருக்கின்றன.

VIRUDHUNAGAR DISTRICT ADMK  PARTY LEADER MINISTER RAJENDRA BALAJI




திமுக வசமான சிவகாசி ஒன்றியத்தில், தலைவர் நாற்காலியில் முத்துலட்சுமியையும் துணைத் தலைவர் இருக்கையில் அவருடைய கணவர் விவேகன்ராஜையும் கைகோர்த்து அமரச் செய்திருக்கிறது இந்தத் தேர்தல். நரிக்குடி ஒன்றியத்தில் 14- வது வார்டு கவுன்சிலர் ரவிச்சந்திரன். அவருடைய மனைவி அங்காள ஈஸ்வரி அதே ஒன்றியத்திலுள்ள வேளானூரணி ஊராட்சி மன்றத் தலைவர். நரிக்குடி 13- வது வார்டு திமுக கவுன்சிலர் குமராயி, 12- வது வார்டு அதிமுக கவுன்சிலர் இந்திராணி ஆகிய இருவரும் ரவிச்சந்திரனின் குடும்பச் சொந்தங்களே. 


குப்புறக் கவிழ்த்த குடியுரிமைச் சட்டம்!

எப்போதும், இஸ்லாமிய சமுதாயத்தைச் சேர்ந்தவர்தான், நரிக்குடி ஒன்றியத்தில் சுயேச்சையாகப் போட்டியிட்டு வென்று, 10- வது வார்டு ஒன்றியக் குழு உறுப்பினர் ஆவார். அந்த உறுப்பினர், ஆளும் கட்சியாக எந்தக் கட்சி உள்ளது? நரிக்குடி ஒன்றியத்தில் எந்தக் கட்சியைச் சேர்ந்தவர் தலைவர் பொறுப்பை ஏற்பார்கள்? என்றெல்லாம் சீர்துக்கிப் பார்த்து, அந்தக் கட்சிக்கு ஆதரவு தருவது வழக்கமான நடைமுறையாக இருந்தது. குடியுரிமைச் சட்டத்துக்கு அதிமுக தந்த ஆதரவால் எரிச்சலாகி, இந்த தடவை வெற்றிபெற்ற முகமது கோஸ், தங்கள் சமுதாயத்தினரோடு ஆலோசனை நடத்தி, திமுக ஆதரவு நிலை எடுத்தார். சுயேச்சை வேட்பாளரான முகமது கோஸ் எடுத்த இந்த முடிவினால்தான், நரிக்குடி யூனியன் அலுவலகத்தில் அதிமுகவினர்  தகராறு செய்தனர். தேர்தலும் ஒத்தி வைக்கப்பட்டது.  


ஆளும் கட்சியினருக்கு அடிபணிந்து சேவகம்!

‘எதிர் முகாமில் உள்ள கவுன்சிலர்களை இழுக்க வேண்டும். அதற்கு வசதியாக தேதி குறிப்பிடாமல் தேர்தலை ஒத்தி வையுங்கள்.’ என ஆளும்கட்சியினர் போட்ட உத்தரவுக்கு, அப்படியே அடி பணிந்தார்கள், இந்த மாவட்டத்தில் நான்கு ஒன்றியங்களில் தேர்தலை நடத்திய அதிகாரிகள்.

VIRUDHUNAGAR DISTRICT ADMK  PARTY LEADER MINISTER RAJENDRA BALAJI


ராஜபாளையம் ஒன்றிய அலுவலகத்தில் தேர்தலை நடத்திய அதிகாரி செல்வகுமாருக்கு, திடீரென்று உடல்நலக் குறைவு ஏற்பட்டு, ஆம்புலன்ஸில் அவரைத் தூக்கிச் சென்ற கூத்தெல்லாம் நடந்தது. தேர்தல் தேதி குறித்து மறு அறிவிப்பு செய்வதற்குள், ஆளும் கட்சியினர் போட்ட திட்டத்தை நிறைவேற்றும் விதமாக, நரிக்குடி ஒன்றிய 4- வது வார்டு திமுக கவுன்சிலர் போஸ், அதிமுக ஆதரவு நிலை எடுத்திருக்கிறார். 


அதிமுகவினர் ஆட்டத்தை வேடிக்கை பார்த்த திமுகவினர்!

இந்தத் தேர்தலில் பல ஒன்றியங்களில், அதிமுகவினர் ஆடிய ஆட்டத்தை விருதுநகர் மாவட்ட திமுகவினர், தள்ளிநின்று வேடிக்கை மட்டுமே பார்த்த நிலையில், அக்கட்சியின் மாவட்ட செயலாளர் கே.கே.எஸ்.எஸ்.ஆர். “தோல்வி பயத்தால் அதிமுகவினர் செய்த ரகளையைக் காரணம் காட்டி, தேர்தலை ரத்துச் செய்தது கண்டனத்துக்குரியது.

VIRUDHUNAGAR DISTRICT ADMK  PARTY LEADER MINISTER RAJENDRA BALAJI


இந்த மாவட்ட அமைச்சர் கே.டி.ராஜேந்திரபாலாஜி மற்றும் அதிமுக எம்.எல்.ஏ.க்கள் அறிவுறுத்தலின்படியே, யூனியன் தேர்தலில் ரகளை நடந்தது. இந்த மறைமுகத் தேர்தலுக்கு மாவட்ட தேர்தல் அதிகாரியும், போலீஸ் அதிகாரியும், காவல்துறை நிர்வாகமும்  உரிய பாதுகாப்பு அளிக்க இயலவில்லை என்று தெரிவிப்பது வியப்பாகவும், வேதனையாகவும் இருக்கிறது.”என்றார்.  

காலம் திரும்பும் என திமுக காத்திருக்கிறது போலும்!  


 

சார்ந்த செய்திகள்

 

Next Story

“அம்மா உணவகங்களைத் தரத்துடன் இயக்க வேண்டும்” - முதல்வருக்கு இ.பி.எஸ் வலியுறுத்தல்

Published on 20/07/2024 | Edited on 20/07/2024
EPS insistence on CM for most runs amma restaurants with quality

ஜெயலலிதா ஆட்சியின்போது செயல்பட்டதை போல் முழுமையான பணியாட்களுடன், தரத்துடன் இயங்க தமிழக முதல்வருக்கு எதிர்கட்சி தலைவர் எடப்பாடி பழனிசாமி வலியுறுத்தியுள்ளார்.

இது தொடர்பாக அவர் வெளியிட்டுள்ள அறிக்கையில், “அதிமுக ஆட்சியில் 2021 மே மாதம் வரை, குறிப்பாக கொரோனா பெருந்தொற்றுக் காலங்களில் நகரப் பகுதிகளில் வாழ்ந்த ஏழை, எளிய, நடுத்தர மக்கள் மற்றும் உழைப்பாளர்களது அன்னலட்சுமியாக தமிழகம் முழுவதும் சுமார் 664 அம்மா உணவகங்கள் நகரப் பகுதிகள் மற்றும் அரசு மருத்துவமனைகளில் திறக்கப்பட்டு நல்ல முறையில் செயல்பட்டு வந்தன.

அம்மா உணவங்களில் விற்கப்படும் உணவு வகைகளின் சுவை மற்றும் தரத்தை ஜெயலலிதாவும் அவர்வழியில்  ஆட்சி செய்தபோது நானும், அமைச்சர் பெருமக்களும் அவ்வப்போது நேரில் ஆய்வு செய்தோம். சுவை மற்றும் தரத்தை ஆய்வு செய்தபின் தக்க ஆலோசனைகள் வழங்கி அம்மா உணவகங்கள் சிறப்பாக செயல்பட்டன என்பதை தமிழக மக்கள் நன்கு அறிவார்கள். 

2021-இல் ஆட்சிமாற்றத்திற்குப் பிறகு அம்மா உணவகங்களை திமுக நிர்வாகிகள் கடப்பாரை போன்ற ஆயுதங்களால் இடித்துத் தள்ளினர். அம்மா உணவகங்களில் பணிபுரிந்தவர்களை மூன்றில் ஒரு பங்காக குறைத்தும், அம்மா உணவகங்களை நடத்துவதற்குத் தேவையான நிதியை ஒதுக்காமலும், தேவையான அரிசி, காய்கறிகள், பருப்பு வகைகள், எண்ணெய் போன்ற உணவுப் பொருட்களை தரமாக வழங்காமல், ஏழை, எளிய, நடுத்தர மக்கள் மற்றும் உழைப்பாளிகள் வயிராற உண்ணும் உணவின் தரத்தைக் குறைத்து பல அம்மா உணவகங்களுக்கு மூடு விழாவும் நடத்தியது திமுக அரசு.

திமுக அரசின் மேற்கண்ட செயல்பாட்டினை உடனடியாக அறிக்கைகள் மற்றும் பேட்டிகள் வாயிலாக கடுமையாக எதிர்த்தேன். அதனையடுத்து, அம்மா உணவகங்களை மூடும் முயற்சியை தற்காலிகமாக நிறுத்தியது திமுக அரசு. உண்மை நிலை இவ்வாறு இருக்க, நிர்வாகத் திறனற்ற  திமுக அரசின் முதலமைச்சர் 19.7.2024 அன்று, தனது எக்ஸ் வலைத்தளத்தில் அம்மா உணவகங்களை மூடிவிடுவோம் எனப் புரளிகளைக் கிளப்பியதாக முதலைக் கண்ணீர் வடித்துள்ளார். மேலும், தேனாம்பேட்டை பகுதியில் உள்ள அம்மா உணவகம் ஒன்றில் ஆய்வு மேற்கொண்டு, மக்களிடம் உணவின் தரம் குறித்தும்; அங்குள்ள பணியாளர்களிடம் அவர்களின் தேவைகள் குறித்தும் கேட்டறிந்ததாக குறிப்பிட்ட  திமுக அரசின் முதலமைச்சர், உணவின் சுவையை சோதித்தார்.

முதலமைச்சர் ஆய்வுக்கு வருவார் என்று முன்னதாகவே அம்மா உணவகத்திற்கு தெரிவிக்கப்பட்டு அங்கு தரமாக உணவுப் பொருட்கள் தயாரிக்கப்பட்டிருந்தன. எஞ்சிய அம்மா உணவகங்களில் நேற்று நடைபெற்றதை போல் கடந்த மூன்றாண்டுகளில் எத்தனைமுறை உணவின் தரத்தை அதிகாரிகளோ, திமுக அமைச்சர்களோ சோதித்தனர் என்று முதலமைச்சர் விளக்குவாரா ? ஆய்வு செய்வதாக ஒரு நாடகத்தை 19.7.2024 அன்று திமுக அரசின் முதலமைச்சர் அரங்கேற்றியுள்ளார். ஜெயலலிதாஆட்சியில் சென்னையில் மட்டும் 407 அம்மா உணவகங்கள் செயல்பட்டு வந்த நிலையில் மூன்றாண்டுகளில் அதை உயர்த்தாமல், சுமார் 19 அம்மா உணவகங்களை மூடியுள்ளது இந்த திமுக அரசு.  முதல்வர் ஸ்டாலின் இதற்கு என்ன பதிலளிக்கப் போகிறார்?

இனியாவது வாய் பந்தல் போடாமல், உண்மையிலேயே ஏழை, எளிய, நடுத்தர மக்கள் மற்றும் உழைப்பாளிகளுக்கு சுவையுள்ள உணவு வகைகளை வழங்கவும், மூடியுள்ள உணவகங்களை திறப்பதுடன், மேலும் புதிய அம்மா உணவகங்களை, ஜெயலலிதா ஆட்சியின்போது செயல்பட்டதை போல் முழுமையான பணியாட்களுடன், தரத்துடன் இயங்க நிர்வாகத் திறனற்ற முதலமைச்சரை வலியுறுத்துகிறேன்” எனக் குறிப்பிட்டுள்ளார். 

Next Story

'410 ஆசிரியர்களுக்குப் பணி வழங்குக' - நீதிமன்றம் உத்தரவு

Published on 19/07/2024 | Edited on 19/07/2024
'Give employment to 410 teachers'- court orders

10 ஆண்டுகளாக காத்திருக்கும் 410 ஆசிரியர்களுக்கு தகுதி அடிப்படையில் பணி வழங்க வேண்டும் என சென்னை உயர்நீதிமன்றம் உத்தரவிட்டுள்ளது.

போட்டி தேர்வை எதிர்த்து 410 ஆசிரியர்கள் சென்னை உயர் நீதிமன்றத்தில் வழக்கு தொடர்ந்திருந்தனர். கடந்த 2014 முதல் 2017 ஆம் ஆண்டு வரை நடத்தப்பட்ட ஆசிரியர் தகுதித் தேர்வுகளில் தகுதி பெற்று சான்றிதழ் சரிபார்க்கும் பணி முடிவடைந்த நிலையில் 10 ஆண்டுகளாக 410 ஆசிரியர்கள் பணி நியமனத்திற்காக காத்திருந்து வருகின்றனர். தகுதித் தேர்வு எழுதி பணி நியமனத்திற்கு காத்திருக்கும் நேரத்தில் 2018 ஆம் ஆண்டு போட்டி தேர்வை அரசு கொண்டு வந்ததால்  பணி நியமனம் இல்லாமல் காத்திருக்கும் ஆசிரியர்கள் 410 தகுதி அடிப்படையில் பணி வழங்க வேண்டும் எனக் கோரி சென்னை உயர்நீதிமன்றத்தில் வழக்கு தொடர்ந்திருந்தனர்.

இந்த வழக்கு உயர் நீதிமன்றத்தில் பொறுப்பு நீதிபதியாக இருந்து உச்ச நீதிமன்றம் சென்றுள்ள நீதிபதி மகாதேவன் அமர்வுக்கு முன்பு விசாரணையில் இருந்து வந்தது. இந்நிலையில் விசாரணைகள் முடிந்து இன்று தீர்ப்பு வழங்கப்பட்டது. போட்டித் தேர்வு என்பது 2018 ஆம் ஆண்டு எடுக்கப்பட்ட முடிவு அதற்கு முன்னதாகவே மனுதாரர் 410 பேரும் மாநில அரசின் திட்டத்தின் படிதகுதித் தேர்வு எழுதியுள்ளனர். எனவே 410 பேருக்கும் தகுதி அடிப்படையில் பணி நியமனம் வழங்க வேண்டும் என நீதிமன்றம் உத்தரவிட்டுள்ளது.