'காலாவதியான பீர்' உயிருக்குக் கேடு என வேதனைப்படும் சமூக ஆர்வலர்கள்!

இதுபற்றி டாஸ்மாக் கடைகளில் பணியாற்றும் ஊழியர்கள் சிலரிடம் பேசியபோது, "அந்த பீரில் காலாவதி தேதி பார்த்ததால் தெரிந்துவிட்டது, இல்லையேல் தெரிந்திருக்காது. தற்போது விற்கப்படும் சரக்குகள் அனைத்துமே காலாவதியான சரக்குகள் தான். காரணம் இவைகள் ஜனவரி மாதம் கம்பெனிகளில் இருந்து டாஸ்மாக் குடோன்களுக்கு வந்தன. லாக்டவுனால் கடைகள் திறக்காததால் குடோன்களில் அப்படியே இருந்தன. கடைகள் திறந்திருந்தால் இவைகள் மார்ச் மாதமே காலியாகியிருக்கும். கடைகள் திறக்காததால் அப்படியே இருந்தன. தற்போது உச்சநீதிமன்றத்தில் தமிழகத்தை ஆளும் அ.தி.மு.க. அரசாங்கம் அனுமதி வாங்கி கடைகளைத் திறந்துள்ளது.

கடைக்கு வருபவர்கள் சரக்கு இல்லையென திரும்பி சென்றுவிடக்கூடாதுயென பழைய ஸ்டாக்குகளை விற்பனைக்கு அனுப்பிவிட்டார்கள். அதனைத் தான் விற்பனை செய்து கொண்டு இருக்கிறோம். 80 சதவிதம் சரக்குகள் காலாவதியானது என்கிறார்கள்.

மது உடலுக்குக் கேடு என விளக்கமளிக்கும் அரசு, காலாவதியான மதுவை விற்பனை செய்கிறது. அதனை அறியாமலே வாங்கிக் குடிமகன்கள் குடிக்கிறார்கள். இது இன்னும் என்ன மாதிரியான கேடினை விளைவிக்கும் எனத் தெரியவில்லையே என வேதனைப்படுகிறார்கள் குடிக்கு எதிரானவர்கள்.