'9 மாவட்டங்களில் மழை பெய்ய வாய்ப்பு'- வானிலை ஆய்வு மையம் தகவல்!

தமிழகம் மற்றும் புதுச்சேரியில் 9 மாவட்டங்களில் மழை பெய்ய வாய்ப்புள்ளது. கடலோர மாவட்டங்கள், உள்மாவட்டங்களில் லேசான முதல் மிதமான மழை பெய்ய வாய்ப்புள்ளது.

தமிழகத்தில் கோவை, சேலம், நாமக்கல், நீலகிரி, வேலூர், விழுப்புரம், திருவண்ணாமலை உள்ளிட்ட மாவட்டங்களில் மிதமான மழைக்கு வாய்ப்புள்ளது. சென்னையில் வானம் மேகமூட்டத்துடன் காணப்படும்; சில இடங்களில் மிதமான மழை பெய்யலாம். காற்றின் திசைவேக மாறுபாடு, வெப்பச்சலனம் காரணமாக புதுச்சேரி காரைக்கால் மாவட்டத்திலும் மழைக்கு வாய்ப்புள்ளது. அரபிக்கடலில் சூறைக்காற்று வீசக்கூடும் என்பதால் மீனவர்கள் அப்பகுதிக்கு மீன்பிடிக்கச் செல்ல வேண்டாம். இவ்வாறு சென்னை வானிலை ஆய்வு மையம் தெரிவித்துள்ளது.