தமிழக அரசின் விருதுகளை வழங்கினார் முதல்வர் பழனிசாமி!

சென்னை கலைவாணர் அரங்கில் நடந்த விழாவில் துணை முதல்வர் ஓ.பன்னீர் செல்வம் மற்றும் அமைச்சர்கள் ஆகியோர் பங்கேற்றிருந்தனர். அதைத்தொடர்ந்து 2019- ஆம் ஆண்டின் சமூக நீதிக்கான தந்தை பெரியார் விருதை செஞ்சி ராமச்சந்திரனுக்கு முதல்வர் வழங்கினார். பெரியார் விருதுடன் ரூபாய் 1 லட்சம், ஒரு சவரன் தங்கப்பதக்கமும், தகுதியுரை வழங்கப்பட்டது.

அதேபோல் டாக்டர் அம்பேத்கர் விருது முனைவர் க. அருச்சுனனுக்கு வழங்கப்பட்டது. டாக்டர் அம்பேத்கர் விருதுடன் ரூபாய் 1 லட்சம் பரிசுத்தொகை மற்றும் பொற்கிழி வழங்கப்பட்டது. மேலும் திருவள்ளுவர் விருது- நித்யானந்த பாரதி, பேரறிஞர் அண்ணா விருது- கோ.சமரசம், பாவேந்தர் பாரதிதாசன் விருது- தேனிசை செல்லப்பா, கபிலர் விருது- வெற்றியழகன், உ.வே.சா. விருது- வே.மகாதேவன், இளங்கோவடிகள் விருது- கவிக்கோ ஞானச்செல்வன் (எ) திருஞானசம்பந்தம், தமிழ்த்தாய் விருது- சிகாகோ தமிழ் சங்கம், மாலன், முகமது யூசுப், மஸ்தான் அலி, சிவ. முருகேசன், வத்சலா, முருகுதுரை, நாகராசன் உள்ளிட்ட 10 பேருக்கு சிறந்த மொழி பெயர்ப்பாளர் விருது வழங்கப்பட்டது.