‘நித்தியின் பிடதி ஆசிரமத்தில் என் மகனை அடைத்து வைத்துள்ளனர்!’ -ஆட்கொணர்வு மனு தாக்கல் செய்த அங்கம்மாள்!

பிடதியிலுள்ள நித்தியானந்தா ஆசிரமத்தில் ஈரோடு மாவட்டத்தைச் சேர்ந்த முருகானந்தம் என்பவர் 2003- ம் ஆண்டு சேர்ந்தார். அங்கு அவருக்கு பிராணாசாமி என பெயர் சூட்டப்பட்டது. சமீபகாலமாக அவரைச் சந்திக்க பிடதி ஆசிரமத்தினர் தனக்கு அனுமதி வழங்கவில்லை எனவும், சட்டவிரோதமாக அடைத்து வைக்கப்பட்டுள்ள தனது மகனை மீட்க கோரியும், அவரது தாய் அங்கம்மாள் சென்னை உயர்நீதிமன்றத்தில் ஆட்கொணர்வு மனு தாக்கல் செய்துள்ளார். இந்த மனு விரைவில் விசாரணைக்கு வரும் என எதிர்பார்க்கப்படுகிறது.