வெளிநாட்டில் வேலை வாங்கி தருவதாக கூறி பண மோசடி செய்தவர் கைது: இரண்டு பேருக்கு வலை

விழுப்புரம் மாவட்டம் உலகாலப்பாடி பகுதியை சேர்ந்தவர் அன்பழகன் (44). இவர் சுரேஷ் (35) என்பவரோடு ஏற்கனவே வெளிநாட்டில் வேலை செய்துள்ளார். இருவருக்கும் பழக்கம் ஏற்பட்டதால் வெளிநாட்டில் பணிபுரிய ஆட்கள் இருந்தால் அனுப்பி வைக்கும்படி சுரேஷ் கூறியுள்ளார். இதனை நம்பி அன்பழகன் அவரின் ஊரை சேர்ந்த 11 பேரிடம் கடந்த 10ஆம் தேதி ரூ. 2,23,220 விசாவிற்காக சுரேஷ் வீட்டில் வைத்து கொடுத்துள்ளார். மீதமுள்ள ரூ 9,43,000 பணத்தை தன்னுடைய ஊரை சேர்ந்த சதிஷ்குமார், சிவசங்கரி மற்றும் தன்னுடைய வங்கி கணக்கில் செலுத்தும் படி கூறியுள்ளார். இதனை நம்பி பணத்தை செலுத்தியுள்ளார் அன்பழகன்.