வேப்பூர் அரசு பஸ் நடத்துனர் கொலையில் தந்தை மகன் கைது!!!

கடந்த 28 ந் தேதி ரவி போன் செய்து பணம் கேட்டபோது, வேப்பூர் அருகிலுள்ள கீரம்பூர் கிராமத்திலுள்ள தனது வராகி கோயிலுக்கு வந்து பணத்தை வாங்கி செல்லும்படி கூறியதால் ரவியும் தனது டி.வி.எஸ் எக்ஸ்.எல் வாகனத்தில் மதியம் சுமார் இரண்டு மணிக்கு கீரம்பூர் சென்றுள்ளார்.

அங்கு இருவருக்கும் வாக்குவாதம் ஏற்பட்டு கைகலப்பு ஏற்பட்டுள்ளது. அப்போது ரவி, பூசாரியின் உயிர்நிலையில் எட்டி உதைத்துவிட, சத்தியநாராயணன் அருகில் கிடந்த கட்டையால் ரவியை அடித்துள்ளார். இதை கண்ட சத்தியநாராயணனின் 17 வயது மகனான விக்னேஸ்வரன் அருகில் கிடந்த கைபம்பின் கைப்பிடியை எடுத்து ரவியின் தலையில் அடித்துள்ளார். தந்தையும் மகனும் மாறி மாறி அடித்ததில் பலத்த காயமடைந்த கண்டக்டர் ரவி சம்பவ இடத்திலேயே இறந்துவிட்டார். இறந்த ரவிசந்திரனின் தலையிலிருந்து அதிக அளவு ரத்தம் கொட்டியதால் அதை மறைக்க பூசாரியும் அவரது மகனும் புடவையால் சுற்றி பின்னர் தார்பாயால் மூடியுள்ளனர்.