தமிழக பாஜக தலைவர் அடுத்தது இவரா?பாஜக மற்றும் அதிமுகவினர் அதிர்ச்சி!

நடந்து முடிந்த நாடாளுமன்ற தேர்தலில் பாஜக கூட்டணி 353 இடங்களை கைப்பற்றி மாபெரும் வெற்றி பெற்றது. இதில் பாஜக மட்டும் 300க்கும் அதிகமான இடங்களை கைப்பற்றி தனி பெரும்பாண்மையுடன் ஆட்சியை பிடித்தது. தமிழகத்தில் அதிமுக, பாஜக கூட்டணி படுதோல்வியை சந்தித்தது. இதனால் பாஜக தலைமை தமிழக பாஜக நிர்வாகிகள் மீது கடும் அதிருப்தியில் இருந்தது. இதனால் இனி வரும் தேர்தலில் பாஜகவை தமிழகத்தில் வலுப்படுத்த உறுப்பினர் சேர்க்கையில் ஈடுபட வேண்டும் என்று தமிழக நிர்வாகிகளுக்கு பாஜக தலைமை உத்தரவு போட்டதாக சொல்கின்றனர்.

மேலும் தமிழகத்தில் இருக்கும் சினிமா மற்றும் அரசியல் பிரபலங்களையும் பாஜகவில் இழுக்க முயற்சி எடுத்து வருவதாகவும் கூறுகின்றனர். இந்த நிலையில் அதிமுக சார்பாக மாநிலங்களவை உறுப்பினராக இருந்த மைத்ரேயன் பதவி காலம் முடிந்த பின்பு, செய்தியாளர்களை சந்தித்து அதிமுக தலைமை மீது இருக்கும் தனது அதிருப்தியை வெளிப்படுத்தினார். இது அரசியலில் பெரும் பரபரப்பை ஏற்படுத்தியது. மேலும் இவருக்கு பதிலடி கொடுக்கும் வகையில் அமைச்சர் ஜெயக்குமார் பேசியது அதிமுகவில் நிலவும் உட்கட்சி பூசலை வெளிப்படையாகவே தெரியப்படுத்தியது. இதனையடுத்து மைத்ரேயன் அதிமுகவில் இருந்து விலகி திமுக அல்லது பாஜகவில் இணையப் போவதாகவும் செய்திகள் பரவியது.