பாகிஸ்தான் தீவிரவாதிகள் மீது கடுமையான நடவடிக்கை எடுக்க வேண்டும்- இந்தியா வலியுறுத்தல்!

அமெரிக்காவிற்கு பயணம் மேற்கொண்டுள்ள பாகிஸ்தான் பிரதமர் இம்ரான்கான், அந்நாட்டு அதிபர் டொனால்ட் டிரம்பை சந்தித்து இரு நாடுகளின் உறவு, தீவிரவாதம் குறித்து பேச்சுவார்த்தையை நடத்தினர். அதனைத் தொடர்ந்து பாகிஸ்தானுக்கு மீண்டும் நிதி உதவி அளிக்க அதிபர் ட்ரம்பிடம், இம்ரான்கான் கோரிக்கை வைத்ததாக தகவல் வெளியாகியுள்ளது. அந்த பேசசுவார்த்தையில் தங்கள் நாட்டில் சுமார் 40 பயங்கரவாதிகள் குழு இருப்பதை ஒப்புக்கொண்டார் பாகிஸ்தான் பிரதமர் இம்ரான்கான். அத்துடன் தங்களது நாட்டில் 40,000-க்கும் மேற்பட்ட தீவிரவாதிகள் இருப்பதாக பகிரங்க தெரிவித்தார். இந்த அறிவிப்பால் உலக நாடுகள் அதிர்ச்சி அடைந்துள்ளனர்.