பின்பு அடுத்தகட்ட படப்பிடிப்புகள் திருச்சி, காரைக்குடி, வேலூர், திருப்பதி, சென்னை உள்ளிட்ட பகுதிகளில் நடந்தது. இதனிடையே படத்தின் மோஷன் போஸ்டர் வெளியானது. அதில் படத்திற்கு ரத்னம் என தலைப்பு வைக்கப்பட்டுள்ளதாக குறிப்பிட்டிருந்தது. மேலும் இந்தாண்டு கோடையில் வெளியாகும் என தெரிவிக்கப்பட்டிருந்தது. இதையடுத்து சமீபத்தில் படத்தின் முழு படப்பிடிப்பும் முடிந்ததாக விஷால் தெரிவித்திருந்தார்.
இந்த நிலையில் இப்படத்தின் ரிலீஸ் குறித்த அறிவிப்பு வெளியாகியுள்ளது. அதன்படி வருகிற ஏப்ரல் 26 ஆம் தேதி உலகெங்கும் தமிழ் மற்றும் தெலுங்கில் வெளியாகவுள்ளதாகப் படக்குழு தெரிவித்துள்ளது. மேலும் ரிலீஸ் தேதியுடன் கூடிய ஒரு புது போஸ்டர் வெளியிடப்பட்டுள்ளது. ஏப்ரல் மாதம் விக்ரம் - பா. ரஞ்சித் கூட்டணியில் உருவாகும் தங்கலான் வெளியாகவுள்ளது குறிப்பிடத்தக்கது.