தமிழ் சினிமாவின் மூத்த காமெடி நடிகரான விவேக், திடீர் மாரடைப்பு காரணமாக தனியார் மருத்துவமனையில் அனுமதிக்கப்பட்டுள்ளார். அங்கு, அவருக்கு இதய செயல்பாட்டை சீர் செய்ய எக்மோ சிகிச்சை அளிக்கப்பட்டு வருவதாக தகவல்கள் வெளியாகியுள்ளன. இந்த நிலையில், நடிகர் விவேக் பூரண குணமடைந்து விரைவில் வீடு திரும்ப வேண்டுமென திரைத்துறை பிரபலங்கள், ரசிகர்கள் எனப் பலரும் பிரார்த்தனை செய்து வருகின்றனர்.
அந்த வகையில், கவிப்பேரரசு வைரமுத்து நடிகர் விவேக் உடல்நலம் குறித்து சமூகவலைத்தளத்தில் பதிவிட்டுள்ளார். அதில்...
"சின்னக் கலைவாணர்
தம்பி விவேக்
விரைந்து நலமுற்று மீள வேண்டும்;
மனிதர்களின்
மாரடைப்பைத் தடுக்கின்ற
நகைச்சுவைக் கலைப்பணியை
வாழ்நாளெல்லாம் தொடர வேண்டும்.
வாழ்த்துகிறேன்" எனக் குறிப்பிட்டுள்ளார்.
நடிகர் விவேக் நேற்று (15.04.2021) கரோனா தடுப்பூசி செலுத்திக்கொண்டது குறிப்பிடத்தக்கது.