காதர்பாட்சா என்கிற முத்துராமலிங்கம் படத்தின் இசை வெளியீட்டு விழா சென்னையில் நடைபெற்றது. இந்நிகழ்வில் பல்வேறு திரைப் பிரபலங்கள் கலந்து கொண்டனர்.
விழாவில் நடன இயக்குநர் சாண்டி பேசியதாவது, “எனக்கும் ஆர்யாவுக்கும் பல ஆண்டுகளாக நட்பு இருக்கிறது. ஆர்யா டார்லிங்கை ஜாலியான, அதிக டான்ஸ் உள்ள ஒரு பாடலில் ஆட வைத்துப் பார்க்க வேண்டும் என்கிற ஆசை ரொம்ப நாளாக இருந்தது. விருமன் படத்தில் என்னுடைய பணி முத்தையா சாருக்கு பிடித்ததால் இந்தப் படத்துக்கும் என்னை அழைத்தார். படத்தின் ஓபனிங் சாங்குக்கு நான் நடனம் அமைத்துள்ளேன். நான்கு நாட்கள் நடந்த ரிகர்சலில் ஆர்யா கடுமையாக உழைத்தார். மிகுந்த அர்ப்பணிப்புடன் வேலை செய்தார்.
முத்தையா சார் தன்னுடைய ஒவ்வொரு படத்திலும் வைக்கும் சென்டிமென்ட் சிறப்பாக இருக்கும். அது இந்தப் படத்திலும் நிச்சயம் ஜெயிக்கும். இந்தப் படம் மிகப்பெரிய வெற்றியடையும்.