ஒத்த செருப்பு படத்திற்கு பிறகு பார்த்திபன் இரவின் நிழல் படத்தை இயக்கி நடித்திருந்தார். 96 நிமிடங்கள் ஒரே ஷாட்டில் படமாக்கப்பட்டு, நான் லீனியர் திரைக்கதை முறையில் சிங்கிள் ஷாட்டில் எடுக்கப்பட்ட இப்படம் சமீபத்தில் வெளியாகி நல்ல வரவேற்பை பெற்றது. மேலும் இப்படத்தை சினிமா விமர்சகர்கள், திரைப்பிரபலங்கள், தமிழக முதல்வர் எனப் பலரும் பாராட்டியிருந்தனர்.
இந்நிலையில் பார்த்திபன் அடுத்த படத்திற்கான பணிகளைத் தொடங்கியுள்ளார். அதற்காக போட்டோ ஷூட் ஒன்றையும் நடத்தியுள்ளார். அது தொடர்பான வீடியோவை தனது ட்விட்டர் பக்கத்தில் பகிர்ந்த பார்த்திபன், ஆடி ஆடி ஆடி ஆடி கூழ் ஊற்றி, Cool-ஆய் ஆடி ஆடி நாடி நரம்பெல்லாம் எனர்ஜி நல்லா கூடி கூடி கூடி ரெடி ஆகிறான் ப்ளடி அடுத்தப் படத்திற்கு. எப்டி?” குறிப்பிட்டுள்ளார். தற்போது இந்த வீடியோ சமூக வலைதளங்களில் வைரலாகி வருகிறது.