மிகப் பெரிய வசூல் சாதனை செய்த லூசிபர்...

கடந்த மார்ச் மாதம் 28-ந் தேதி மோகன்லால் நடிப்பில் உருவான ‘லூசிபர்’ படம் வெளியானது. இந்த படத்தை நடிகர் பிரித்விராஜ் இயக்கினார்.

மலையாள சினிமாவில் அதிக வசூலை வாரிகுவித்த திரைப்படம் என்றால் அது மோகன்லால் நடிப்பில் வெளியான புலிமுருகன் திரைப்படம்தான் சுமார் 150 கோடி வரை வசூல் செய்தது. மலையாள சினிமாவில் 150 கோடி வசூல் செய்த முதல் படம் இதுதான். தற்போது அந்த சாதனையை 25 நாட்களிலேயே முறியடித்தது இப்படம்.

இந்நிலையில் ஐம்பதாவது நாளில் வெற்றிகரமாக ஓடிக்கொண்டிருக்கும் இப்படம் 200 கோடி வரை வசூல் செய்துள்ளது. மலையாள சினிமாவில் முதன் முறையாக 200 கோடி வசூலை எட்டியுள்ள படம் இதுதான்.

விரைவில் இந்த படத்தின் இரண்டாம் பாகம் குறித்தான அறிவிப்புகள் வரும் என எதிர்பார்க்கப்படுகிறது.