வெற்றிமாறன் இயக்கத்தில் தனுஷ் நடிப்பில் மூன்று பாகங்களாக உருவாகும் வட சென்னை படத்தின் முதல் பாகத்திற்கான படப்பிடிப்பு சமீபத்தில் முடிவடைந்தது. இதில் ஐஸ்வர்யா ராஜேஷ், ஆண்ட்ரியா ஆகியோர் நாயகிகளாக நடிக்கின்றனர். மேலும் இயக்குநர் அமீர், சமுத்திரக்கனி, டேனியல் பாலாஜி, கிஷோர், கருணாஸ், சீனு மோகன், டேனியல் அனி போப் உள்ளிட்ட நட்சத்திரப் பட்டாளங்கள் பலரும் முக்கிய கதாபாத்திரத்தில் நடித்திருக்கும் இப்படத்தை வுண்டர்பார் பிலிம்ஸ் மற்றும் லைகா புரொடக்ஷன்ஸ் இணைந்து தயாரிக்கிறது. தற்போது இதன் போஸ்ட் புரொடக்ஷன்ஸ் பணிகள் விறுவிறுப்பாக நடைபெற்று வரும் நிலையில், படத்தை ஜூன் மாதம் ரிலீஸ் செய்ய படக்குழு திட்டமிட்டுள்ளதாக படக்குழுவுக்கு நெருங்கிய வட்டாரத் தகவல்கள் தெரிவிக்கின்றன. அதிலும் ரம்ஜான் பண்டிகை நாளில் படத்தை ரிலீஸ் செய்ய பேச்சுவார்த்தை நடத்தப்படுவதாகவும் தகவல் வெளியாகி இருக்கிறது.