இங்கிலாந்தின் மான்செஸ்டரில் இன்று (10/09/2021) மதியம் 03.30 மணிக்கு தொடங்கவிருந்த நிலையில் ஐந்தாவது டெஸ்ட் கிரிக்கெட் போட்டி திடீரென ரத்து செய்யப்பட்டுள்ளது. இந்திய கிரிக்கெட் அணி நிர்வாகத்தில் ரவி சாஸ்திரி உள்ளிட்ட சிலருக்கு கரோனா நோய்த்தொற்று உறுதியாகியிருந்த நிலையில், இந்திய வீரர்கள் விளையாட தயக்கம் காட்டியதாகக் கூறப்படுகிறது.
5 டெஸ்ட் கிரிக்கெட் போட்டிகள் கொண்ட தொடரில் இந்திய அணி 2-1 என்ற கணக்கில் முன்னிலையில் இருந்த நிலையில் கடைசி டெஸ்ட் போட்டி ரத்து செய்யப்பட்டுள்ளது என்பது குறிப்பிடத்தக்கது.