இங்கிலாந்துக்கு சுற்றுப்பயணம் மேற்கொண்டுள்ளது பாகிஸ்தான் அணி. இதில் நேற்று முன்தினம் நடந்த போட்டியில் பாகிஸ்தான் அணியின் இளம் வீரரான ஹிமாம் உல் ஹக் (23) 151 ரன்களை குவித்தார். இதன்மூலம் இங்கிலாந்தில் 150+ ரன் குவித்த இளம் வீரர்கள் பட்டியலில் இருந்த கபில்தேவை பின்னுக்கு தள்ளி உள்ளார் ஹிமாம் உல் ஹக்.
1983 உலகக்கோப்பை தொடரின்போது ஜிம்பாப்வேவை எதிர்கொண்ட இந்திய அணி 9 ரன்களுக்கு 4 விக்கெட்களை எடுத்து தடுமாறிக்கொண்டிருந்தது. அந்த சமயத்தில் இறங்கிய கபில்தேவ் தனி வீரராக 175 ரன்களை விளாசினார். இதன் மூலம் தனி ஒரு வீரராக இளம் வயதில் இங்கிலாந்தில் 150+ ரன்கள் அடித்த வீரர்களின் பட்டியலில் கபில்தேவ் சேர்ந்தார். இந்த சாதனையை படைத்தப்போது கபில்தேவின் வயது 24. தற்போது பாகிஸ்தான் அணியின் தொடக்க ஆட்டக்காரரான ஹிமாம் உல் ஹக் 131 பந்துகளில் 151 ரன்களை விளாசி அந்த சாதனையை முறியடித்துள்ளார்.