கடலில் கவிழ்ந்த கப்பல் - ஆயிரக்கணக்கான ஆடுகள் பலி?

ருமேனியாவின் தென் கிழக்கு பகுதியில் கருங்கடலில் உள்ள மிடியா துறைமுகத்தில் இருந்து தி குயின் ஹிந்த் என்ற சரக்கு கப்பல் புறப்பட்டு சென்றது.14 ஆயிரத்துக்கும் அதிகமான ஆடுகளை ஏற்றி சென்ற இந்த கப்பலில் சிரியாவை சேர்ந்த மாலுமிகள் 22 பேர் இருந்தனர். புறப்பட்ட சிறிது நேரத்திலேயே திடீரென கப்பல் கடலில் கவிழ்ந்தது. இதில் கப்பலில் இருந்த மாலுமிகளுடன் அனைத்து ஆடுகளும் நீரில் மூழ்கின. இதையடுத்து, உள்ளூர் போலீசார், தீயணைப்பு வீரர்கள் மற்றும் கடலோர காவல்படையினர் ஆகியோரை கொண்ட கூட்டு மீட்பு குழு தீவிர மீட்பு பணியில் இறங்கியது.