ஐரோப்பிய ஒன்றியத்தில் உக்ரைனை இணைத்துக் கொள்வதற்கான விண்ணப்பத்தில் அந்நாட்டு அதிபர் ஜெலன்ஸ்கி கையெழுத்திட்டிருந்தார். இந்த நிலையில், ஐரோப்பிய ஒன்றிய நாடாளுமன்றத்தின் சிறப்புக் கூட்டம் நேற்று (01/03/2022) நடைபெற்றது. இதில் காணொளி மூலம் பேசிய உக்ரைன் அதிபர் ஜெலன்ஸ்கி, ஐரோப்பிய ஒன்றியத்தில் உக்ரைனுக்கு இடம் கொடுத்து, தங்களுக்கு ஆதரவாக இருப்பதை உறுதிச் செய்ய வேண்டும் என்று வேண்டுகோள் விடுத்தார். மேலும், தங்களது மண்ணை தங்களால் காக்க முடியும்; ரஷ்யாவுக்கு எதிரான போரில் வெற்றி பெறுவோம் என்றார்.