ஈரானில் அமைச்சரை தொடர்ந்து துணை அதிபருக்கு கொரோனா பாதிப்பு!

சில நாடுகளில் அந்த வைரஸ் தொற்றின் தாக்கம் தற்போது கண்டறியப்பட்டுள்ளது. இதுவரை இந்தியாவில் எவ்வித உயிரிழப்பு சம்பவங்களும் நடைபெறவில்லை. ஆனால் உலக நாடுகளில் உயிரிழப்புக்கள் தொடர்ந்து நடைபெற்று வருகின்றன. இந்நிலையில், சீனாவுக்கு சிறிதும் தொடர்பில்லாத நாடுகளில் கூட கொரோனா வைரஸ் பரவுவதாக உலக சுகாதார அமைப்பு தெரிவித்துள்ளது. இந்நிலையில் ஈரானில் இதுவரை 15 பேர் பலியாகி உள்ளதாக தகவல்கள் வெளியாகி உள்ளது. இதன் உச்சகட்டமாக ஈரானின் துணை சுகாதார மந்திரி இரானி சர்ச்சி கொரானா வைரஸால் பாதிக்கப்பட்டு மருத்துவமனையில் அனுமதிக்கப்பட்டுள்ளார். இதற்கிடையே தற்போது அந்நாட்டின் துணை அதிபர் மசூமே எப்டேகர் அவருக்கும் தற்போது கொரோனா பாதிப்பு இருப்பதாக தகவல்கள் வெளியாகியுள்ளது.