இணைய சேவையில் இந்தியாவுக்கு 47-வது இடம்... முதல் இடம் அமெரிக்கா அல்ல...!

பொருளாதார நுண்ணறிவு பிரிவு, சமீபத்தில் ஃபேஸ்புக் நிறுவனத்தின் தலைமையில் நடத்திய ஆய்வில், இணைய சேவையில் இந்தியா 47-வது இடத்தில் இருக்கிறது. முதலிடத்தில் ஸ்வீடன் இருக்கிறது. அதற்கடுத்தடுத்த இடங்களில் சிங்கப்பூர் மற்றும் அமெரிக்கா இருக்கிறது.

இந்த ஆய்வில் பெண்களைவிட ஆண்களே அதிகமாக இணைய சேவையை பயன்படுத்துகிறார்கள் எனவும் தெரியவந்துள்ளது. நடுத்தர வருவாய் கொண்ட நாடுகளில் 66% 4ஜி இணைய சேவை அதிகரித்துள்ளதாகவும், குறைந்த வருவாய்கொண்ட நாடுகளில் இது 22% அதிகரித்துள்ளதாகவும் அந்த ஆய்வு தெரிவித்துள்ளது. மேலும் வீடுகளில் பயன்படுத்தும் இணைய சேவையை பெறுவதில் 2018-ம் ஆண்டில் 7.7 சதவீதமாக இருந்திருக்கிறது. அதுவே 2019-ல் 2.9 சதவீதமாக குறைந்துள்ளது என்பது குறிப்பிடத்தக்கது.