சரக்குடன் பிடிபட்ட கார்... கடத்திவந்தவர்கள் யார் திருவாரூர் மாவட்ட போலிஸார் திணறல்!!

காரைக்காலிருந்து கடத்தி வரப்பட்ட 1 லட்சம் ரூபாய் மதிப்புள்ள மதுபாட்டில்களையும் கடத்தலுக்கு பயன்படுத்தபட்ட காரையும் பிடித்து பறிமுதல் செய்துள்ளனர் திருவாரூர் மாவட்ட காவல்துறையினர்.

திருவாரூர் மாவட்டம் பேரளம் அருகே உள்ள பேரளம் - காரைக்கால் சாலையில் பண்டாரவாடை என்ற இடத்தில் TN 50 P6498 பதிவு எண் கொண்ட கார் ஒன்று சாலையோர மின் கம்பத்தில் மோதி விபத்துக்குள்ளாகி நிற்பதாக பேரளம் காவல்துறையினருக்கு அப்பகுதி மக்கள் தகவல் அளித்தனர். உடனே விரைந்து சென்ற காவல்துறையினர் காரின் உள்ளே காயங்களுடன் யாரேனும் உள்ளனரா என கதவை திறந்து பார்த்தபோது உள்ளே மதுபாட்டிகள் கொண்ட பெட்டிகள் மட்டுமே இருந்தது. மொத்தம் 35 பெட்டிகளில் 1680 மதுபாட்டில்கள் இருந்ததும் அவை புதுச்சோி மாநிலம் காரைக்காலிருந்து கடத்தி வரபட்டதும் தெரிய வந்தது.