எஸ்.பி. அலுவலகத்தில் 33 வாக்கி டாக்கிகள் திருடி விற்ற 2 பேர் கைது!

திருச்சி எஸ்.பி. அலுவலகம் சுப்ரமணியபுரத்தில் உள்ளது. புறநகர் மாவட்ட காவல்நிலையங்களுக்கு தலைமை இடமாக இது விளங்குகிறது. இந்த காவல்நிலைய அதிகாரிகளுக்கு கொடுக்கப்பட்ட வாக்கி டாக்கிகளில் பயன்படுத்தப்பட்டு நாள் கணக்கில் ஆன பின்பு ரிப்பேர் ஆகியிருக்கும் வாக்கி டாக்கிகளை எஸ்.பி. அலுவலகத்தில் உள்ள குடோனில் வைத்து விடுவது வழக்கம்.

இந்த நிலையில் நேற்று முந்தினம் வாக்கி டாக்கிகள் குறித்த ஆய்வு நடத்தப்பட்டபோது குடோனில் வைத்திருந்த 33 வாக்கி டாக்கிகள், 11 கையடக்க மைக்குகள் காணாமல் போய் இருப்பது தெரியவந்தபோது அனைவரும் அதிர்ச்சியடைந்தனர். இந்த வாக்கி டாக்கிகள் அனைத்தும் சென்னைக்கு மீண்டும் ஒப்படைக்க வேண்டியது என்பதால் இதுகுறித்து உடனே விசாரணைக்கு உத்தரவிட்டார் எஸ்.பி.