“அம்பேத்கர் வலியுறுத்திய சமூக நீதி எல்லோருக்கும் கிடைக்க உறுதி ஏற்போம்” - விஜய்

சட்டமேதை அண்ணல் அம்பேத்கரின் 134ஆவது பிறந்தநாள் இன்று நாடு முழுவதும் கொண்டாடப்பட்டு வருகிறது. அவரது பிறந்தநாளை முன்னிட்டு அரசியல் தலைவர்கள் அம்பேத்கரின் சிலைக்கு மாலை அணிவித்து மரியாதை செலுத்தி வருகின்றனர். மேலும் அவரது பிறந்தநாளை தமிழக அரசு சமத்துவநாளாக அறிவித்து சாதி ஒழிப்பு உறுதிமொழி எடுத்து வருகிறது.

இந்த நிலையில் அண்மையில் கட்சி தொடங்கிய தமிழக வெற்றிக் கழகத் தலைவர் விஜய், சட்ட மேதை அம்பேத்கரின் பிறந்தநாளுக்கு வாழ்த்து தெரிவிக்கும் வகையில், அவருடைய கட்சியின் அதிகாரப்பூர்வ வலைத்தளப் பக்கத்தில் பதிவிட்டுள்ளார். அதில் “இந்திய அரசியலமைப்பு சட்டத்தின் தந்தை, புரட்சியாளர் அண்ணல் அம்பேத்கர் அவர்களின் பிறந்தநாளில் அவர் வலியுறுத்திய சமூக நீதி, சமத்துவம், சம உரிமை ஆகியவை எல்லோருக்கும் கிடைக்க உறுதி ஏற்போம்” என பதிவிடப்பட்டுள்ளது.